കളഭമഴപെയ്ത രാത്രിയിലെ ഗിരിപ്രദക്ഷിണം

അനുഭവകഥ

- ഡോ. നാഗമണി കൊല്ലം

തിരുവണ്ണാല സന്ദർശിക്കുകയും ഗിരിവലംചെയ്ത് സായൂജ്യം നേടുകയും ചെയ്യുക ഏതൊരു ഭക്തന്റെയും ജന്മത്ത സാർത്ഥകമാക്കുന്ന കാര്യമാണ്. വർഷങ്ങളായി ആ പതിവ് തുടരുകയും ചെയ്തിരുന്നു. അങ്ങനെ 2018 സെപ്തംബറിൽ ഞാനും എന്റെ കുടുംബവും തിരുവണ്ണാ മല സന്ദർശിച്ചിരുന്നു. ആ അനുഭൂതിയും ദർശനപുണ്യവും തുടർന്നും അനുഭവമാകാൻ ഞാൻ ആഗ്രഹിച്ചെങ്കിലും ലോകം കീഴടക്കിയ മഹാരോഗം നിമിത്തം അത് സാദ്ധ്യമായില്ല.

ഒടുവിൽ അരുണാചല ഭഗവാന്റെ അദൃശ്യവും മഹത്തായ വിളിയുടെയും ഫലമായി ഇക്കൊല്ലം മാർച്ച് 24-ാം തീയതി പൗർണ്ണമി ദിവസം ഒരിക്കൽ കൂടി തിരുവണ്ണാമലയിലെത്തി ദർശനപുണ്യം നേടാനായി. അന്ന് ഉത്രം നക്ഷത്രദിനമായിരുന്നു. രാവിലെ 5 മണിക്ക് ക്ഷേത്രനട തുറക്കുമ്പോൾ തന്നെ അതിനുള്ള തുടക്കമാകും. അത് ശിവവാഹനമായ നന്ദിയെ ആരാധിക്കുന്നതിന് തുല്യമായ പൂജയാണ്.