એકમાત્ર સંતાન છો આ રીતે પેરન્ટની સારસંભાળ લો

ઉંમરના એક પડાવ પર માતાપિતાને બાળકોના સહારાની જરૂર પડે છે અને તમે પણ સંતાન હોવાથી આ જવાબદારીથી મોં ફેરવી શકતા નથી..

આજકાલ લોકોનું સરેરાશ આયુષ્ય વધી ગયું છે. લોકો વધારે જીવવા લાગ્યા છે. દેશમાં વૃદ્ધોની સંખ્યા વર્ષ ૧૯૬૧ થી સતત વધી રહી છે અને વર્ષ ૨૦૨૧ માં દેશમાં વૃદ્ધોની સંખ્યા ૧૩.૮ કરોડથી વધારે થઈ ગઈ છે. વર્ષ ૨૦૩૧ માં તેમની કુલ વસ્તી ૧૯.૩૮ થવાનું અનુમાન લગાવવામાં આવ્યું છે. ‘નેશનલ સ્ટેટેસ્ટિક ઓફિસ’ ના એક સ્ટડીમાં આ વાત સામે આવી છે. જોકે આ વાત એક રીતે સારી છે, પરંતુ વૃદ્ધોની સંખ્યા વધવાથી એક નવી સમસ્યા પેદા થઈ ગઈ છે.

હકીકતમાં, આજના સમયમાં ઘણા બધા ઘરમાં એક સંતાન હોય છે. બાળકોની જવાબદારી ઉપાડવી અને તેમનો શિક્ષણ ખર્ચ એટલો મોંઘો થયો છે કે લોકો એક કરતા વધારે બાળક એફોર્ડ નથી કરી શકતા. એટલું જ નહીં, નોકરિયાત મહિલાઓ અને સિંગલ પરિવાર હોવાથી ઘણા બધા લોકો એક કરતા વધારે બાળક વિશે વિચારી શકતા નથી. આ સ્થિતિમાં સમસ્યા વધારે ત્યારે આવે છે, જ્યારે બાળકો મોટા થતા હોય છે અને માબાપ વૃદ્ધ.

ઉંમરના આ પડાવમાં પેરન્ટ્સને બાળકોના સહારાની જરૂર પડે છે, પરંતુ તેમની દેખરેખ રાખવા માટે ઘરમાં કોઈ નથી હોતું, કારણ કે મોટાભાગે અભ્યાસ અથવા નોકરી માટે છોકરા મેટ્રો સિટીમાં ચાલ્યા જાય છે અથવા જો દીકરી હોય તો તેને પોતાની સાસરીમાં જવું પડે છે. જો દીકરો તે જ શહેરમાં નોકરી કરતો હોય અથવા પોતાનો બિઝનેસ હોય તો તે માબાપ સાથે રહેતો હોય છે, નહીં તો દૂર ચાલ્યો જાય છે. જોકે મુશ્કેલી ત્યારે આવે છે, જ્યારે પેરન્ટ્સમાંથી કોઈ એક એટલે કે માતા અથવા પિતાનું મૃત્યુ થઈ જાય છે. ત્યારે બીજી વ્યક્તિ ઘરમાં બિલકુલ એકલી પડી જાય છે.

મોટી જવાબદારી

જ્યારે કોઈ છોકરો અથવા છોકરી પોતાના માબાપનું એક માત્ર સંતાન હોય તો તેની પર પોતાની કરિયરની સાથે પેરન્ટ્સની સારસંભાળની પણ જવાબદારી રહે છે. તેને ઘણી વાર આ કારણસર સમજૂતી કરવી પડે છે, કારણ કે તેના સિવાય પેરન્ટ્સનો બીજો કોઈ સહારો હોતો નથી. પેરન્ટ્સ પોતાની જિંદગીમાં કમાયેલી પૂરી દોલત અને પોતાનો પૂરો પ્રેમ પોતાના એકમાત્ર બાળકના નામે કરી દેતા હોય છે.

આ સ્થિતિમાં બાળકની પણ ફરજ બને છે કે તે પોતાના પેરન્ટ્સ માટે કંઈક કરે. જોકે મોટાભાગના બાળકો પોતાના પેરન્ટ્સની દેખરેખ રાખવા ઈચ્છતા હોય છે, પરંતુ પરિસ્થિતિ અનુકૂળ નથી હોતી. આવો જાણીએ કઈ પરિસ્થિતિમાં તમે કેવી રીતે પોતાના પેરન્ટ્સની સારસંભાળ રાખી શકો છો: