વર્કઆઉટ માટે યોગ્ય આઉટફિટ

વર્કઆઉટ માટે યોગ્ય કપડાની પસંદગી કેટલી જરૂરી, અચૂક જાણો...

- શોભા કટારે

કેટલાક લોકો વર્કઆઉટ દરમિયાન યોગ્ય આઉટફિટ પસંદ નથી કરી શકતા, જેથી તેમને વર્કઆઉટ કરવામાં અસહજ લાગે છે. તેથી ધ્યાન રાખો વર્કઆઉટ કરતી વખતે સૌથી વધારે જરૂરી છે કે તમે કંફર્ટેબલ રહો. મહિલાઓ હંમેશાં ફેશનેબલ દેખાવા માંગે છે, પણ વર્કઆઉટ માટે આઉટફિટ પસંદ કરતી વખતે સ્ટાઈલથી વધારે કંફર્ટનું ધ્યાન રાખો, તમારી પસંદ અને જરૂર મુજબ સ્પોર્ટ્સ આઉટફિટ પર પસંદગી ઉતારો.

ટીશર્ટ, સ્પોર્ટ્સ બ્રા, જૂતા, મોજા, લોઅર વગેરે કેવા હોય, આવો જાણીએ જિમ વેર ખરીદતા પહેલાં કેટલીક બાબતનું ધ્યાન રાખવું જોઈએ :

*અંદરનું લેયર જલદીથી પરસેવો શોષનાર હોય.

* પ્યોર કોટનના બદલે પોલિસ્ટર, લાયક્રા અને સિંથેટિક બ્લેન્ડ આઉટફિટ વધારે સારા હોય છે, કારણ કે તે જલદીથી સુકાઈ જાય છે, સાથે તે ગરમીમાં તમને ઠંડા અને ઠંડીમાં ગરમ રાખે છે.

*કપડાંની ક્વોલિટી સારી હોય એટલે કે જેમાં પરસેવો શોષાવાની ક્ષમતા વધારે હોય અને ૧૦૦ ટકા કોટનના હોય.

*જિમ વેરનું ફિટિંગ સારું હોય, ના વધારે ટાઈટ અને ના વધારે લૂઝ.

*પુરુષોએ શોર્ટ્સ જિમ આઉટફિટની પસંદગી ન કરવી જોઈએ.

*મહિલાઓએ યોગ્ય આઉટફિટની પસંદગી કરવી જોઈએ.

આઉટફિટનું ફિટિંગ કેવું હોય

વર્કઆઉટ માટે વધારે ટાઈટ અને સ્કિની આઉટફિટ ન પહેરો, કારણ કે ટાઈટ કપડામાં તમે ખૂલીને એક્સર્સાઈઝ નહીં કરી શકો અને તમે અસહજ અનુભવશો. એવામાં શોર્ટ અથવા લોઅર સાથે ટીશર્ટ પહેરવું બેસ્ટ રહે છે. યોગ માટે સ્ટ્રેચેબલ આઉટફિટ પસંદ કરો. જોગિંગ માટે તમે લૂઝ અને શોર્ટ્સ કે કેપ્રી ટ્રાય કરી શકો છો.