கழுகு உணவகம்?

கழுகு பறவைகள் இல்லாமல் இன்று வானம் வெறிச்சோடிக் காணப்படுகிறது. இந்தியாவில் இப்போது காணப்படும் 30 வகைகளில் 3 வகை பேரழிவு அபாயத்தில் இருப்பதாக உயிரினங்கள் குறித்து ஆவணப்படுத்தி வரும் ஐ.யு.சி.என். அமைப்பு குறிப்பிட்டுள்ளது.

- எஸ்.ரவீந்திரன்

தமிழ்நாடு முழுவதிலும் பரவலாகக் காணப்பட்ட கழுகுகள் தற்போது முதுமலை, சத்தியமங்கலம் காட்டுப் பகுதியில் மட்டுமே வாழ்ந்து வருகின்றன. 

'பாறு' எனச் சங்கத் தமிழிலும் 'பத்' என நீலகிரி, சத்தியமங்கலம் வாழ் இருளர் பழங்குடியினராலும் தோடர் மக்களாலும், 'ரணபத்து' எனப் படுகா மக்களாலும் அழைக்கப்படும். பறவைக்குத்தான் இந்த அவல நிலை நேர்ந்துள்ளது.

இவை இறந்த உயிர்களை உண்டு, மனிதர்களுக்கு நோய்கள் பரவாமல் தடுத்தும், மண்ணிற்கு எச்சங்களை அளித்து நுண்ணுயிர்கள் வளர காரணமாக இருந்தவை.