சாமானியர்களை தள்ளிவைக்கும் மோடி ரயில்?

ஒரு காலத்தில் இனிமையாகவும் எளிமையாகவும் இருந்த ரயில் பயணம்,இன்று கடினமானதாக மாறிவிட்டது. சமீபத்தில் மேற்குவங்கத்தில் கஞ்சன்ஜங்கா எக்ஸ்பிரஸ் ரயிலுடன் சரக்கு ரயில் மோதியதால் ஏற்பட்ட விபத்தில் 15 பேர் உயிரிழந்தனர். 30க்கும் மேற்பட்டோர் காயமடைந்தனர்.

- பரிதி

அதிலும் 2014முதலான மோடி அரசின் காலத்தில் நிகழ்ந்த விபத்துகள் அதிகம் தான்.

* 2014 மே 26ல் உத்தர பிரதேசத்தில் கோரக்தாம் எக்ஸ்பிரஸ் தடம் புரண்டு சரக்கு ரயிலுடன் மோதியதில் 25க்கும் மேற்பட்ட பயணிகள் உயிரிழந்தனர்.

* ஜூலை 24ல் ஹைதராபாத் அருகே ரயில்வே கிராசிங்கில், பள்ளி பேருந்தும் ரயிலும் மோதியதில் 15 பள்ளிக் குழந்தைகள் உயிரிழந்தனர்.

* 2015 பிப்ரவரி 13ல் பெங்களூரு-எர்ணாகுளம் விரைவு ரயிலின் 9 பெட்டிகள் தடம் புரண்டதில் ஒன்பது பேர் உயிர் இழந்தனர்.

* மார்ச் 20ல் உத்தர பிரதேசத்தில் டேராடூன் வாராணசி ஜனதா எக்ஸ்பிரஸ் தடம் புரண்டு சுமார் 35 பேர் உயிரிழந்தனர்.

* 2015 ஆகஸ்ட் 4ல் மத்தியப் பிரதேசத்தில் காமயானி விரைவு ரயிலும், ஜனதா விரைவு ரயிலும் தடம்புரண்டதில் 31 பேர் பலியானர்.

* 2016 நவம்பர் 20ல் பாட்னா-இந்தூர் விரைவு ரயிலின் 14 பெட்டிகள் தடம் புரண்டதில் சுமார் 150 பேர் உயிரிழந்தனர்.