બોલો, ક્યાંનું રાષ્ટ્રગીત સાંભળવું છે?

મોટા ભાગની શાળામાં રાષ્ટ્રગીત ગાવાનું ફરજિયાત હોવા છતાં ઘણા વિદ્યાર્થીને રાષ્ટ્રગીત યાદ નહીં રહેતું હોય. એવામાં કોઈ કહે કે વડોદરાના એક યુવાન અથર્વ મૂળેએ એક-બે કે આઠ-દસ નહીં, પણ ૮૯ દેશનાં રાષ્ટ્રગીત કંઠસ્થ કર્યા છે તો એ વાત આપણને ગળે ઊતરે?

વડોદરાની આનંદ વિદ્યા વિહાર સ્કૂલમાં બારેમાં ધોરણ સુધી ભણ્યા પછી અથર્વ હવે મહારાજા સયાજીરાવ યુનિવર્સિટીની ફેકલ્ટી ઓફ આર્ટ્સમાં અભ્યાસ કરી રહ્યો છે. એ ઈન્ડિયન કલાસિકલ મ્યુઝિકમાં ખૂબ રસ ધરાવે છે. પંડિત ભીમસેન જોશીને પોતાના આદર્શ માને છે.