અમર નામ છે શૂન્ય મારું જગતમાં...

‘રુમાની’ અને ‘અઝલ’ના નામે ઉર્દૂ ગઝલ લખનારા અલી ખાન બ્લોચને જાણીતા શાયર અમૃત ઘાયલે ગુજરાતીમાં લખતા કર્યા અને નવું તખલ્લુસ પણ આપ્યું. પછી જ્યાં પોતે શિક્ષક હતા એ મોસાળનગરીના નામે એ ઓળખાયા ‘શૂન્ય પાલનપુરી” તરીકે:

- જવલંત છાયા

પાલનપુરના સાહિત્યપ્રેમીઓમાં તો સતત એક જ ચર્ચા: આ ગજલ કોણે લખી હશે? સોળ વર્ષનો છોરો આવું ફાંકડું લખી જ કઈ રીતે શકે? કંઈક ગોલમાલ છે. આટલી શુદ્ધ ઉર્દૂ ગઝલ આ ઉંમરે? નામુમકિન. કેટલાકે તો મોટા ગજાના ઉર્દૂ શાયરોનાં દીવાન ફેંદી નાખ્યાં, પરંતુ ગઝલ કોઈની કોપી હોવાનું સાબિત ન કરી શક્યા.

એ ઉર્દૂ ગઝલના શબ્દ હતા:

હમ સે ઈન્તકામ લેતે હૈ