അമേരിക്കയ്ക്ക് അൽപം “സന്തോഷം” കുറഞ്ഞു!

ആഗോള സന്തോഷപ്പട്ടികയിൽ ഇന്ത്യ എട്ടു സ്ഥാനം മുന്നിലെത്തി.

- അജീഷ് മുരളീധരൻ

2025 ലെ ആഗോള സന്തോഷപ്പട്ടികയിൽ യുഎസ്എ ചരിത്രത്തിലെ ഏറ്റവും മോശം റാങ്കിലേക്കു താഴ്ന്നപ്പോൾ അയൽവാസിയും അനധികൃത കുടിയേറ്റ വിഷയത്തിൽ അമേരിക്കയുമായി ഇടഞ്ഞു നിൽക്കുന്ന രാജ്യവുമായ മെക്സിക്കോ ആദ്യമായി ആദ്യ പത്തിൽ ഇടം പിടിച്ചു.

കഴിഞ്ഞ വർഷം 25-ാം സ്ഥാനത്തായിരുന്ന തെക്കേ അമേരിക്കൻ രാജ്യം മെക്സിക്കോ ഇത്തവണ പത്താമതാണ്. യുദ്ധത്തിനും സംഘർഷത്തിനും നടുവിലാണെങ്കിലും ഇസ്രയേൽ ഈ പട്ടികയിൽ എട്ടാമതുണ്ട്.

സന്തോഷപ്പട്ടിക ആദ്യമായി പുറത്തിറങ്ങിയ 2012ൽ യു എസ്എ പട്ടികയിൽ 11-ാമതായിരുന്നു. ഇത്തവണ 24-ാം സ്ഥാനത്തേക്കു താഴ്ന്നു. 24-ാം സ്ഥാനത്തായിരുന്ന ജർമനി 22-ാം സ്ഥാനത്തെത്തി. ഇന്ത്യ 118-ാം സ്ഥാനത്താണ്. കഴിഞ്ഞ വർഷം 126-ാം സ്ഥാനത്തായിരുന്നു.

എട്ടാമതും ഫിൻലൻഡ്