8 வயது உலக சாம்பியன்!

இரண்டு வருடங்களுக்கு முன்பு 'நவம்பர் மாதத்தின் மதிய வேளை. ஹைதராபாத்தில் உள்ள ஓர் அமைதியான, விசாலமான ஹால். அங்கே சதுரங்கப் போட்டி ஆரம்பமானது.ஒரு பக்கம் இந்தியாவின் முன்னணி சதுரங்க ஆட்டக்காரர்களில் ஒருவரான குகேஷ் அமர்ந்திருந்தார்.

- த .சக்திவேல்

அவரை எதிர்த்து விளையாடுவதற்குத் தயாரானான் ஒரு சிறுவன்.

பெரிய அளவில் ஃபிரேம் போட்ட கண்ணாடி அணிந்திருந்த அவனுக்கு வயது 6.

அச்சிறுவனின் ஒவ்வொரு நகர்வுகளும் குகேஷை வியப்பில் ஆழ்த்தியது. குகேஷை அவனால் வெற்றி பெற முடியவில்லை. இருந்தாலும் குகேஷிடமிருந்து பாராட்டுகளைப் பெற்றான்.

“அந்தப் பையன் விளையாடியது ரொம்பவே ஆச்சர்யமாக இருந்தது; உண்மையில் எனக்கு அதிர்ச்சியாக இருந்தது..." என்கிறார் குகேஷ்.

அந்தச் சிறுவன் இன்னொரு இந்திய சதுரங்க ஜாம்பவானான அர்ஜுன் எரிகசையுடனும் விளையாடினான். குகேஷ் மாதிரியே அர்ஜுன் ம் அச்சிறுவன் விளையாடுவதைப் பார்த்து அதிர்ச்சியில் உறைந்து போனார்.

அந்தச் சிறுவனுக்கு இப்போது வயது 8. அவன் பெயர், திவித் ரெட்டி.

சமீபத்தில் இத்தாலியில் 8 வயதுக்குட்பட்டோருக்கான உலக கேடட்ஸ் செஸ் சாம்பியன்ஷிப் போட்டி நடந்தது. இதில் தங்கப் பதக்கத்தை வென்று, உலக சாம்பியனாகியிருக்கிறார் திவித்.

கடந்த வாரம் இந்தியாவைச் சேர்ந்த மூன்று வயது சிறுவன் ஆனான அனிஷை சதுரங்க உலகம் கொண்டாடியது; இந்த வாரம் இன்னொரு இந்தியச் சிறுவனான திவித்.

எதிர்கால சதுரங்க விளையாட்டில் இந்தியர்களின் ஆதிக்கம் தான் என்பதில் சந்தேகமே இல்லை.