ഒരു നായയുടെ ഭാരം

പെറ്റ്സ് കോർണർ

- ഡോ. ബീന. ഡി

ഓരോ നായയ്ക്കും അവയുടെ ജനുസ്സ്, പ്രായം, ലിംഗം, ശാരീരികാവസ്ഥ എന്നിവയുടെ അടിസ്ഥാനത്തിലുണ്ടാകേണ്ട ശരാശരി ശരീരഭാരമുണ്ട്. അതിനെക്കാൾ 15% കൂടുതലായാൽ പൊണ്ണത്തടിയായി കണക്കാക്കാം. സാധാരണ പ്രായം കൂടുംതോറും ശരീരത്തിൽ കൊഴുപ്പടിഞ്ഞ് ഭാരം വർധിക്കാറുണ്ട്. അഞ്ചുമുതൽ പത്തു വയസ്സു വരെയുള്ള നായകളിലും വന്ധ്യംകരണ ശസ്ത്രക്രിയ നടത്തിയ പെൺനായകളിലും വീടുകൾക്കുള്ളിലോ ഫ്ലാറ്റുകളിലോ മാത്രം വളർത്തുന്ന നായകളിലുമൊക്കെ അമിതവണ്ണം കൂടുതലായി കാണപ്പെടാറുണ്ട്.