ആഗ്രഹം പോലെ സിനിമയും

കുന്നോളം ആഗ്രഹിച്ചാൽ കുന്നിക്കുരുവോളം ആഗ്രഹിക്കുന്നത് സാധിക്കും എന്നല്ലെ പ്രമാണം...

- ജി.കെ

കുന്നോളം ആഗ്രഹിച്ചാൽ കുന്നിക്കുരുവോളം ആഗ്രഹിക്കുന്നത് സാധിക്കും എന്നല്ലെ പ്രമാണം...

കുട്ടിക്കാലത്ത് പതിനൊന്നു വയസ്സുളളപ്പോൾ മനസ്സിലൊരു ആഗ്രഹം തോന്നി. സിനിമയിൽ അഭിനയിക്കണമെന്ന്. സിനിമയിൽ അഭിനയിക്കണമെന്ന് മാത്രമായിരുന്നില്ല ആഗ്രഹം. മമ്മൂട്ടി എന്ന പ്രശസ്തനോടൊപ്പം അഭിനയിക്കണം.

ആഗ്രഹിച്ചതുപോലെ തന്നെ നടന്നു. മീനാക്ഷി ചിരിയും സന്തോഷവുമായി മനസ്സ് തുറന്നു പറഞ്ഞു. പതിനൊന്നാം വയസ്സിൽ മീനാക്ഷിയുടെ ആഗ്രഹം സാധിച്ചു. മീനാക്ഷിക്ക് അഭിനയിക്കാൻ കിട്ടിയ സിനിമ മമ്മൂട്ടി നായകനായ ഗ്രേറ്റ് ഫാദർ' ആയിരുന്നു. ഗ്രേറ്റ് ഫാദറിൽ മമ്മുക്കയുടെ മോളുടെ ബെസ്റ്റ് ഫ്രണ്ടായി അഭിനയിക്കാൻ കഴിഞ്ഞു. ഓഡിഷൻ വഴിയാണ് ഇങ്ങനെയൊരു ചാൻസ് തനിക്ക് കിട്ടിയതെന്ന് മീനാക്ഷി പറഞ്ഞു.

ചെറുപ്പം മുതലേ സിനിമകൾ കാണുമായിരുന്നു. പല സിനിമകളും കണ്ടുകണ്ട് മമ്മൂട്ടിയോടിഷ്ടമായി. മമ്മുക്കയോടൊപ്പം സിനിമയിലൊക്കെ ഒന്നഭിനയിച്ചാലോ...? പത്തുവയസ്സുകാരി ഒന്നാഗ്രഹിച്ചു പോയി.

അത് നടന്നു. അച്ഛന്റെയും അമ്മയുടെയും സപ്പോർട്ടും കൂടി ലഭിച്ചപ്പോൾ ഒരു ധൈര്യം തോന്നി. അന്ന്, അഭിനയിച്ചതെല്ലാം ഓർമ്മയിലുണ്ട്. മമ്മൂക്ക തമാശകളൊക്കെ പറയുമായിരുന്നു. ഇടയ്ക്ക് ഞങ്ങളെ കളിയാക്കി ചിരിക്കും.