തിയേറ്ററുകൾ കുലുങ്ങി; മലയാളത്തിന് നല്ല കാലം

മലയാള സിനിമയുടെ വസന്തകാലം എന്ന് തന്നെ വിശേഷിപ്പിക്കാവുന്ന വർഷമായി 2024 മാറുകയാണ്. ഈവർഷം റിലീസിനായി കാത്തിരിക്കുന്നത് ബിഗ് ബജറ്റ് മുതൽ ലോ ബജറ്റു വരെയുള്ള നൂറുകണക്കിന് സിനിമകളാണ്. അവയും ഇത്തരം വിജയം നേടുകയാണെങ്കിൽ മലയാള സിനിമയെ വെല്ലാൻ മറ്റാർക്കും സാധിക്കില്ലെന്നു നിസംശയം പറയാം.

വെറും മൂന്നു മാസം കൊണ്ട് മലയാള സിനിമ തിയേറ്ററുകൾ കുലുക്കി. ജനുവരി മുതൽ മാർച്ച് പകുതിവരെ തിയേറ്ററുകളിൽ നിന്നും കളക്ഷൻ നേടിയത് 500 കോടിയിലേറെ രൂപയാണ്. ഫെബ്രു വരിയിൽ മാത്രം മലയാള സിനിമ നേടിയത് 400 തകോടി രൂപയാണ്. കഴിഞ്ഞ വർഷം കഷ്ടകാല മായിരുന്നു മലയാള സിനിമയ്ക്കെങ്കിൽ 2024 ഏറെ പ്രതീക്ഷകൾ നൽകുന്ന വർഷമാണ്. തിയേറ്ററുക ളിലേക്ക് ആളുകൾ വരുന്നില്ലെന്നുള്ള ഉടമകളുടെ പരാതിക്കും പരിഹാരമായിരിക്കുകയാണ്. പ്രേമലു, മഞ്ഞുമ്മൽ ബോയ്സ്, ഭമയുഗം തുടങ്ങിയ ചിത ങ്ങളുടെ വരവോടെ തിയേറ്ററുകളിൽ ആളുകൾ ഒഴുകിത്തുടങ്ങി. നല്ല കഥയുള്ള സിനിമകളാണങ്കിൽ തിയേറ്ററുകളിൽ ആളുകൾ എത്തുമെന്നതിനു തെളിവു കൂടിയാണ് ഈ സിനിമകൾ. മാർച്ച് 28-ന് പൃഥ്വിരാജിന്റെ ആടുജീവിതം കൂടി എത്തിയതോടെ മലയാള സിനിമയുടെ യശസ് വീണ്ടും വാനോളമുയർന്നു. മുൻ വർഷങ്ങളിൽ നിന്നും വ്യത്യസ്തമായി മലയാള സിനിമയിൽ നിന്നു തന്നെ പാൻ ഇന്ത്യൻ ചിത്രങ്ങൾ പിറന്ന വർഷം കൂടിയാണിത്. നേരത്തെ അന്യഭാഷാ ചിത്രങ്ങൾ കേരളത്തിൽ നിന്നും കോടികൾ വാരിയിരുന്നു. അവർക്കെല്ലാം ഏറെ ഇഷ്ട മുള്ള ഇടമായി കേരളം മാറുകയും ചെയ്തിരുന്നു. പ്രമോഷൻ നടത്തുമ്പോൾ വമ്പൻ താരനിരകൾ കേരളത്തിലേക്കും എത്തിയിരുന്നു. അവരുടെ ഇട യിലേക്ക് മലയാള സിനിമ ആഴത്തിലേക്ക് ഇറങ്ങിച്ചെല്ലുകയാണിപ്പോൾ.

ഒടിടിയുടെ വരവ് തിയേറ്ററുകളുടെ അടച്ചുപൂട്ടലിന് കാരണമാകുമെന്നു പറഞ്ഞതൊക്കെ പഴങ്കഥയാവുകയാണ്. കോവിഡ് കാലത്ത് പല തിയേറ്ററുകളും അടച്ചു പൂട്ടിയിരുന്നു. ചിലത് കല്യാണ മണ്ഡപങ്ങളായി മാറി. കോവിഡിൽ നിന്നും കരകയറിയെങ്കിലും തിയേറ്ററുടമകൾക്ക് എന്നും നഷ്ടക്കണക്ക പറയാനുണ്ടായിരുന്നുള്ളു. 2023ഉം അത് നല്ലകാലമായിരുന്നില്ല അവർക്ക്.

2023ൽ 1000 കോടിയിലേറെ മുതൽമുടക്കിയപ്പോൾ ആകെ തിരിച്ചുകിട്ടിയത് 300 കോടിയിൽ താഴെ മാത്രമാണ്. മെഗാ ഹിറ്റ് സിനിമകൾ എത്രയെന്നു ചോദിച്ചാൽ നാലെണ്ണം മാത്രമേ ഉണ്ടായിരുന്നുള്ളു.