കഴിക്കാം കറ്റാർവാഴ

സൗന്ദര്യവർധക വസ്തുവെന്ന നിലയിൽ എല്ലാവർക്കും സുപരിചിതമാണ് കറ്റാർവാഴ. എന്നാൽ ചികിത്സയുടെ ഭാഗമായും ആഹാരാവശ്യത്തിനും ഇത് ഉപയോഗിക്കുന്നുണ്ട്

- ഡോ.കെ.എസ്.രജിതൻ സീനിയർകൺസൾട്ടന്റ് ഔഷധിപഞ്ചകർമ ആശുപത്രി & റിസർച്ച്ഇൻസ്റ്റിറ്റ്യൂട്ട് തൃശ്ശൂർ [e-mail]

മുഖസൗന്ദര്യത്തിന്

1. കറ്റാർവാഴ, പഴുത്ത പപ്പായ, തൈര് ഇവ സമം അളവിൽ എടുത്ത് നല്ലതുപോലെ യോജിപ്പിച്ച് കുഴമ്പ് രൂപത്തിലാക്കുക. ഇത് മുഖത്ത് പുരട്ടിയിടുക. ഉണങ്ങിയശേഷം കഴുകിക്കളയുക.

2. കറ്റാർവാഴ, മഞ്ഞൾപ്പൊടി, തേൻ, ചെറുനാരങ്ങ നീര്, വെളുത്ത കടല കുതിർത്തത് ഇവ സമം അളവിൽ എടുത്ത് നല്ലതുപോലെ അരയ്ക്കുക. ഈ കുഴമ്പ് മുഖത്ത് 20 മിനിറ്റ് പുരട്ടി യിടുക. ഉണങ്ങിയശേഷം തണുത്ത വെള്ളത്തിൽ കഴുകണം.

ചർമസൗന്ദര്യം കൂട്ടാം

1. തൊലികളഞ്ഞ നേന്ത്രപ്പഴവും തൊലികളഞ്ഞ കറ്റാർവാഴ ഇലയും സമം അളവിൽ എടുക്കുക. അതിൽ കുറച്ച് പഞ്ചസാരയും നാലോ അഞ്ചോ തുള്ളി പുതിന തൈലവും ചേർത്ത് അരച്ച് കുഴമ്പ് രൂപത്തിലാക്കിയശേ ഷം ശരീരത്തിൽ പുരട്ടുക. ഉണങ്ങിയതിനുശേഷം ചെറു ചൂടുവെള്ളത്തിൽ കഴുകുക.

2. കറ്റാർവാഴ തൊലികളഞ്ഞ് നല്ലതുപോ ലെ അരച്ചെടുക്കുക. ഇത് ശരീരമാസകലം പുരട്ടി പതുക്കെ തടവുക. ഉണങ്ങിയശേഷം തണുത്ത വെള്ളം കൊണ്ട് കഴുകുക.

കറ്റാർവാഴ സോപ്പ് 

ചേരുവകൾ: അരക്കപ്പ് കറ്റാർവാഴ ജെൽ, മുക്കാൽ കപ്പ് ശുദ്ധജലം, കാൽ കപ്പ് സോഡിയം ഹൈഡ്രോക്സൈഡ്, മുക്കാൽ കപ്പ് വെളിച്ചെണ്ണ, മുക്കാൽ കപ്പ് സൂര്യകാന്തി എണ്ണ, മുക്കാൽ കപ്പ് ഒലിവ് എണ്ണ.