തിരിച്ചറിയണം പ്രാരംഭ പ്രമേഹചികിത്സയിലെ പാകപ്പിഴകൾ

 “പക്ഷേ ഡോക്ടർ, ഇത്രയും ഷുഗർ കൂടിയിരിക്കുന്ന അവസ്ഥയിൽ എങ്ങനെ മരുന്ന് കുറയ്ക്കും?” രമേശൻ അല്പം ആശങ്കയോടെയാണ് ആ ചോദ്യം ഉന്നയിച്ചത്

- ഡോ.എസ്.കെ.സുരേഷ്കുമാർ സിനിയർ കൺസൾട്ടന്റ് ഡയബറ്റാളജി വിഭാഗം ഇഖ്റഹോസ്പിറ്റൽ, കോഴിക്കോട്

ഇഷ്ടപ്പെട്ട ഒരു പാട്ടിന്റെ മ്യുസിക്കായിരുന്നിട്ടും രമേശന്‌ ഫോണ്‍ ബെല്‍ അരോചകമായാണ്‌ തോന്നിയത്‌. രാവിലെ ഒന്‍പതു മണിക്ക്‌ ഓഫീസിലെത്തേണ്ടതാണ്‌. മുന്‍പൊക്കെ നേരത്തേ ഉണരാന്‍ അവന്‌ അലാറത്തിന്റെ ആവശ്യമുണ്ടായിരുന്നില്ല. എത്ര നേരത്തേ വേണമെങ്കിലും താനേയുണരും.

ഈയിടെ രാവിലെ ഉണരുമ്പോള്‍ വല്ലാത്ത ക്ഷീണമാണ്‌. അലാറം കേട്ടാലും എഴുന്നേല്‍ക്കാന്‍ തോന്നില്ല. എഴുന്നേറ്റാലും പ്രഭാതകൃത്യങ്ങള്‍ മുതല്‍ ഒരു ഉത്സാഹക്കുറവാണ്‌. ആ മന്ദിപ്പ്‌ ദിവസം മുഴുവനുണ്ടാവും. ഓഫീസിലെത്തിയാല്‍ ജോലിയിലും ശ്രദ്ധിക്കാന്‍ പറ്റുന്നില്ല. ഉന്മേഷമെല്ലാം ചോര്‍ന്നു പോകുന്നതു പോലെ. രാത്രി ഉറക്കവും തീരേ ശരിയാവുന്നില്ല. മിക്കവാറും ദുഃസ്വപ്പങ്ങള്‍ കണ്ട്‌ ഞെട്ടിയുണരും. അപ്പോള്‍ ദേഹമാകെ വിയര്‍പ്പില്‍ കുളിച്ചിരിക്കും. ഈയിടെയായി ഏതാണ്ടെല്ലാ ദിവസവും ഇങ്ങനെയൊക്കെത്തന്നെയാണ്‌.

ഇങ്ങനെയായിരുന്നില്ല, രമേശന്‍ ആറുമാസം മുന്‍പുവരെ. നാലുവര്‍ഷമായി അവന്‍ പ്രവാസജീവിതം തുടങ്ങിയിട്ട്‌. ഷാര്‍ജയിലെ പ്രസിദ്ധമായ കമ്പനിയില്‍ ജോയിന്‍ചെയ്യ്‌ ദിവസങ്ങള്‍ക്കകം അവന്‍ സഹപ്രവര്‍ത്തകരുടെ മനം കവര്‍ന്നു. രണ്ടുവര്‍ഷംകൊണ്ട്‌ സ്ഥാപനത്തിലെ ബെസ്റ്‌ എംപ്പോയിയായി. ഓഫീസിലെ എന്തുകാര്യത്തിനും ഇതരപ്രവര്‍ത്തനങ്ങള്‍ക്കും മുന്നില്‍ രമേശനുണ്ടാവും. നാട്ടിലെ മികച്ച ഷട്ടില്‍ കളിക്കാരനായിരുന്ന അവന്‍ ഗള്‍ഫിലും ടീമും ടൂര്‍ണമെന്‍റുമുണ്ടാക്കി. സഹപ്രവര്‍ത്തകര്‍ക്കും താമസ സ്ഥലത്തും പ്രിയപ്പെട്ടവനായി. രണ്ടുവര്‍ഷംമുന്‍പ്‌ പ്രമോഷന്‍ കൂടി കിട്ടിയതോടെ അവന്റെ ജോലിഭാരവും ഉത്തരവാദിത്വവും കൂടി, ടെന്‍ഷനും വര്‍ധിച്ചു. ഒപ്പം, കളിയും കറക്കവുമെല്ലാം കുറഞ്ഞു.

ആറുമാസമായി അവന്‌ പഴയ പ്രസരിപ്പില്ല. എപ്പോഴും വല്ലാത്ത ദാഹം. വെള്ളംകുടി കൂടി. അതോടെ ഇടയ്ക്കിടെ മൂത്രമൊഴിക്കണമെന്നായി. പലപ്പോഴും ദാഹശമനത്തിന്‌ കാന്‍റീനില്‍ നിന്ന്‌ സോഫ്റ്റ്‌ ഡ്രിങ്ക്‌സ്‌ വാങ്ങിച്ചുക്കുടിച്ചു.

“നിനക്കെന്തു പറ്റി; പഴയ ഉത്സാഹമൊക്കെ എവിടെപ്പോയിഃ നീയൊരു ഡോക്ടറെ കണ്ടുനോക്ക്‌.”