നല്ല ജീവിതരീതികൾ ശീലമാക്കാം

ആരോഗ്യകരമായ ജീവിതശൈലി വന്ധ്യത പരിഹരിക്കുന്നതിന് പ്രധാനമാണ്

- ഡോ.കെ.യു.കുഞ്ഞിമൊയ്തീൻ ചീഫ്ഐ.വി.എഫ്.സ്പെഷലിസ്റ്റ്

ലോകമെമ്പാടും വർധിച്ചുവരുന്ന ആരോഗ്യപ്രശ്നമാണ് വന്ധ്യത. പല ഘടകങ്ങളും വന്ധ്യതയ്ക്ക് കാരണമാകാം. എങ്കിലും തെറ്റായ ജീവിതശൈലികൾ വന്ധ്യതയ്ക്ക് ഇടയാക്കുന്ന പ്രധാന കാരണമായി വിലയിരുത്തുന്നുണ്ട്. ആരോഗ്യകരമായ ജീവിതശൈലി വന്ധ്യത പരിഹരിക്കുന്നതിന് പ്രധാനമാണ്.

പുകവലി ഉപേക്ഷിക്കാം

സ്ത്രീകളിൽ, പുകവലി അണ്ഡത്തിന് കേടുപാടുകൾ വരുത്തുകയും ഗർഭം അലസാനുള്ള സാധ്യത വർധിപ്പിക്കുകയും ചെയ്യും. പുരുഷന്മാരിലാണെങ്കിൽ പുകവലി ബീജത്തിന്റെ എണ്ണവും ഗുണനിലവാരവും കുറയ്ക്കുന്നു. ബീജത്തിന് സംഭവിക്കുന്ന തകരാറുകൾ ഗർഭധാരണത്തിന് തടസ്സമായി മാറുകയും ചെയ്യുന്നു. പുകവലി ഉപേക്ഷിക്കുന്നത് സ്ത്രീകളിലും പുരുഷ ന്മാരിലും പ്രത്യുത്പാദനശേഷി വർധിപ്പിക്കുമെന്ന് പഠനങ്ങൾ തെളിയിക്കുന്നുണ്ട്. അതു കൊണ്ടുതന്നെ പുകവലി ഉപേക്ഷിക്കേണ്ടതാണ്.