സന്തോഷം തേടുമ്പോൾ

അറിവില്ലായ്മയിൽ നിങ്ങൾ ചെയ്യുന്നതെന്തും അത് സദുദ്ദേശ്യത്തോടെയാണെങ്കിൽപ്പോലും നിങ്ങൾക്കും ചുറ്റുമുള്ള ലോകത്തിനുമത് ദോഷം ചെയ്യും

- സദ്ഗുരു ഈശ ഫൗണ്ടേഷൻ

ലോകത്ത് നിങ്ങൾ ചെയ്യുന്നതെന്തും നിങ്ങൾ യഥാർഥത്തിൽ ആരാണെന്നതിന്റെ പ്രതിഫലനം മാത്രമാണ്. നിങ്ങൾക്ക് മഹത്തായ ഉദ്ദേശ്യങ്ങളുണ്ടായിരിക്കാം. എന്നാൽ, അടിസ്ഥാനപരമായി നിങ്ങൾ ചെയ്യുന്ന എല്ലാ കാര്യങ്ങളും നിങ്ങളുടെ ഉള്ളിൽ, നിങ്ങൾ യഥാർഥത്തിൽ ആരാണെന്ന് വ്യക്തമാക്കുക മാത്രമാണ് ചെയ്യുന്നത്. മനുഷ്യരാശിയുടെ മേൽ അടിച്ചേൽപ്പിക്കപ്പെട്ട മിക്ക വേദനകളും കഷ്ടപ്പാടുകളും നല്ല ഉദ്ദേശ്യമെന്ന് കരുതി നടപ്പാക്കിയവയാണ്.

നിങ്ങൾ ലോകത്തെ വീക്ഷിക്കുകയാണെങ്കിൽ, ഈ പോരാട്ടം നല്ലതും ചീത്തയും തമ്മിലുള്ളതല്ല. എപ്പോഴും പരസ്പരം പോരടിക്കുന്നത് നല്ല മനുഷ്യരാണ്. ലോകത്ത് തീവ്രവാദിയായി മുദ്ര കുത്തപ്പെട്ട മനുഷ്യൻ കരുതുന്നത്, താൻ വളരെ നല്ലവനാണെന്നാണ്. എത്രത്തോളം നല്ലവനാണെന്ന് അവൻ കരുതുന്നുവോ, അത്രത്തോളം ഭയങ്കരനായിത്തീരുന്നു.