வாழ்க்கைக்கு ஒத்துவராத சினிமா! - சுவாசிகா

சுவாசிகா பிறந்தது கேரள மாநிலம் மூவடுபுழா. தந்தை பெயர் விஜயகுமார், தயார் கிரிஜா. ஒரு சகோதரர், ஆகாஷ். சுவாசிகாவின் இயற்பெயர் பூஜா விஜய். மனதுக்கு மகிழ்ச்சி உண்டாக நடனம் ஆடுவதும், பாட்டு பாடுவதும் தனக்கு பிடிக்கும் என்கிறார்.

உங்கள் சினிமா பிரவேசம் எப்படி....?

எனது பள்ளிப் பருவத்தில் இருந்தே எனக்கு சினிமா மீது தீராத ஆசை. சினிமா கனவுகளால் சென்னைக்கு வந்தவள் நான்.எனது முதல் தமிழ் படம் வைகை.

அப்போது நான் பிளஸ் ஒன் படித்தேன். சினிமாவில் நடிக்கும் வாய்ப்பு கிடைத்த உடன் படிப்பை நிறுத்திவிட்டேன். தொடக்கம் என்னவோ நன்றாகவே இருந்தது. அதற்குப் பிறகு எந்த படமும் வரவில்லை. அப்போது மூன்று படங்களில் நடிக்க வாய்ப்புகள் வந்தும் நடிக்க முடியாமல் போனது. காரணம் அந்த படங்கள் கைவிடப்பட்டன. ஒரு படம் கூட கையில் இல்லை. எனது சிநேகிதிகள் படிப்பில் தீவிரமாக இருந்தனர். படம் என்று சொல்லிக்கொண்டு நான் நேரத்தை வீணடித்துக் கொண்டிருந்தேன்.