கர்நாடக காங்கிரஸ் கரைசேருமா? எல்லை மீறும் விமர்சனங்கள், எல்லையற்ற வாக்குறுதிகள்!

கர்நாடக சட்டசபை தேர்தல் மே மாதம் அரசியல் களம் 10-ஆம் தேதி நடைபெறுவதால் கொதிநிலையை எட்டிவிட்டது. இந்த தேர்தலில் விமர்சனங்கள் எல்லைமீறிச் செல்கின்றன. இது ஒருபுறமிருக்க எல்லையற்ற வாக்குறுதிகள் மறுபுறம் வாரி இறைக்கப்படுகின்றன

எப்படியாவது ஆட்சியை தக்கவைத்துக்கொள்ள வேண்டும் என்பதற்காக சகல அஸ்திரங்களையும் பா.ஜ.க.பிரயோகித்து வருகிறது.

பிரசாரம் சூடுபிடித்த நிலையில் தரக்குறைவான விமர்சனங்கள் உக்கிரமடைந்தன. பிரதமர் மோடி தன்மீது காங்கிரஸ் 91 தடவை வசைமொழிகளை வாரி இறைத்தது என குறிப்பிட்டார். மேலும் "காங்கிரஸ்காரர்கள் கர்நாடகாவைப் பற்றி என்ன நினைக்கிறார்கள். ஒரு குடும்பத்தின் ஏ.டி.எம்-ஆக கர்நாடகாவை மாற்ற காங்கிரஸ் துடிக்கிறது. பா.ஜ.க.தேசத்தைப் பற்றி சிந்திக்கிறது. ஆனால் காங்கிரஸ் ஒரு குடும்பத்தையே சுற்றிச்சுற்றி வருகிறது.

காங்கிரஸ் ஆளும் மாநிலங்களில் 85 சதவீதம் கமிஷன் வாங்கப்படுகிறது. காங்கிரஸ் கட்சிக்கு ச ட்டம் - ஒழுங்கைப்பற்றிய கவலை கிடையாது. காங்கிரஸ்காரர்கள் வன்முறையை தூண்டிவிடுகிறார்கள்.