കേറി വാടാ മൊട്ടകളെ

തലമുടി സ്ഥിരമായി ഷേവുചെയ്യുന്നവരുടെ കൂട്ടായ്മയാണിത്. കുറച്ചെങ്കിലും തലമുടിയുള്ള കഷണ്ടിക്കാരല്ലാത്തവർക്ക് മാത്രം അംഗത്വം നൽകുന്ന മൊട്ടക്കൂട്ടത്തിന്റെ വിശേഷത്തിലേക്ക്...

- അഭിരാമി ഒതയോത്ത്

കഷണ്ടിക്ക് മരുന്നില്ലെങ്കിലെന്താ തല മൊട്ടയടിച്ചാൽ പോരേ' -തൃശൂർ തേക്കിൻകാട് മൈതാനത്ത് ഒത്തുചേർന്ന മൊട്ടകളുടേതാണ് ചോദ്യം. തൊപ്പി വെച്ചാൽ മൂടിവെക്കുന്നത് പോലെ തോന്നുമോ, വിഗ് വെച്ചാൽ കണ്ടുപിടിക്കുമോ എന്നൊക്കെയുള്ള ടെൻഷനുകളോട് ബൈ പറഞ്ഞ് 25 മൊട്ടകൾ ഒരുമിച്ച് തെക്കേനടയിലെ മൈതാനത്ത് ഒരുമിച്ച് ചിരിക്കുന്നു, പലവിധ പോസുകളിൽ ഫോട്ടോയെടുക്കുന്നു, കണ്ടുനിന്നവർ കൗതുകത്തോടെ നോക്കിനിൽക്കുന്നു.

തീരെ മുടിയില്ലാത്ത കഷണ്ടിത്തലയന്മാരല്ലിത്. കുറച്ചെങ്കിലും മുടിയുള്ളവർ. പക്ഷേ, ദിവസവും തലമുടി ഷേവ് ചെയ്ത് നടക്കുന്നവർ. കഷണ്ടിത്തലയന്മാരുടെ കൂട്ടായ്മ ഉണ്ടെങ്കിലും തല മൊട്ടയടിക്കുന്നവരുടെ കൂട്ടായ്മ ലോകത്ത് ആദ്യമാണന്ന് 'മൊട്ടക്കൂട്ടം' എന്ന അന്തർദേശീയ സംഘടനക്ക് രൂപം നൽകിയ സ്റ്റാൻഡ് കൊമേഡിയനും ഇന്റർവ്യൂവറുമായ സജീഷ് കുട്ടനെല്ലൂർ അവകാശപ്പെടുന്നു.

മൊട്ടകൾ ഒരുമിച്ചപ്പോൾ