പരക്കട്ടെ സുഗന്ധം

പെർഫ്യൂമിന്റെ നറുഗന്ധം ആകർഷകവും സമ്മോഹനവുമായ വ്യക്തിത്വവും മതിപ്പും നൽകുന്നു. മനസ്സിനിണങ്ങിയ ഗന്ധത്തിൽ പെർഫ്യൂമുകൾ ഇന്ന് ലഭ്യമാണ്. വിവിധ തരം പെർഫ്യൂമുകളും അവയുടെ ഉപയോഗവുമിതാ...

- അനീഷ് കക്കോടി

സുഗന്ധം പൂക്കുന്ന വ്യക്തിത്വം കൊതിക്കാത്തത് ആരാണ്? പണ്ടു തൊട്ടേ മനുഷ്യർ വാസനത്തൈലങ്ങളെ പ്രണയിച്ചിരുന്നു. പെർഫ്യൂമിന്റെ നറുഗന്ധം ആകർഷകവും സമ്മോഹനവുമായ വ്യക്തിത്വവും മതിപ്പും നൽകുന്നു. ഗ്രീക്കുകാരാണ് ദ്രവ പെർഫ്യൂം ആദ്യമായി ഉപയോഗിച്ചത്. മധ്യകാലഘട്ടത്തിൽ ഇസ്ലാമിക പണ്ഡിതൻ ഇബ്നുസീന പുഷ്പങ്ങളിൽ നിന്ന് എണ്ണ വേർതിരിക്കാനുള്ള വാറ്റ വിദ്യ listillation) വികസിപ്പിച്ചാത് പെർഫ്യൂം നിർമാണത്തിൽ വിപ്ലവം സൃഷ്ടിച്ചു. വൃത്തിയിൽ ശ്രദ്ധിച്ച ഫ്രഞ്ചുകാർ ശരീര ദുർഗന്ധം മറയ്ക്കാൻ പതിനേഴാം നൂറ്റാണ്ടോടെ ഇത് വ്യാപകമായി നിർമിച്ചു. ശാസ്ത്രത്തിന്റെ വളർച്ചയും മാറുന്ന അഭിരുചിയും തീർത്ത മന്ത്രികതയാണ് ആധുനിക പെർഫ്യൂമുകൾ. മനസ്സിനിണങ്ങിയ ഗന്ധത്തിൽ പെർഫ്യൂമുകൾ ഇന്ന് ലഭ്യമാണ്.

'പെർ' per (സമഗ്രമായത്),'ഫ്യൂമസ്' funus (പുക) എന്നീ ലാറ്റിൻ പദങ്ങളിൽ നിന്നാണ് പെർഫ്യൂം എന്ന വാക്കുണ്ടായത്. പിന്നീട് ചന്ദനത്തിരി ഗന്ധത്തിന് ഫ്രഞ്ചുകാർ പാരഫം എന്ന് വിളിച്ചു. ചന്ദനത്തിരിയാണ് പെർഫ്യൂമിന്റെ ആദ്യ രൂപം എന്ന് പറയപ്പെടുന്നു. വിവിധ തരം പെർഫ്യൂമുകളും അവയുടെ ഉപയോഗവുമിതാ...

സുഗന്ധം വിവിധതരം

ഫ്രാഗ്രൻസ് ഓയിൽ (പെർ ഫ്യൂം ഓയിൽ ആക്ക ഹോൾ, മീഥൈൽ അല്ലെങ്കിൽ ഈഥൈൽ, വെള്ളം എന്നിവ യുടെ മിശ്രിതമാണ് പെർഫ്യൂം. ഫ്രാൻസ് ഓയിലിന്റെ ഗാഢത അടിസ്ഥാനമാക്കിയാണ് ഇവയെ തരംതിരിച്ചിരിക്കുന്നത് പെർഫ്യൂം വാങ്ങുമ്പോൾ കുപ്പിയിൽ അതിന്റെ തരം രേഖപ്പെടുത്തിയത് ശ്രദ്ധിച്ചിട്ടുണ്ടോ?

പെർഫ്യൂം പാരഫം (Perfume or Parfum)

20 മുതൽ 30 ശതമാനം വരെ ഗാഢതയുള്ള പെർഫ്യൂം ഓയി ലാണ് ഈ വിഭാഗത്തിലുള്ളത്. ആറു മുതൽ എട്ടു മണിക്കുർ വരെ സുഗന്ധം നിലനിനിൽക്കുന്നു. ഇവക്ക് വില കൂടുതലാണ്.

ഓ ഡേ പാരഫം (Eau de Perfume/Eau de Parfum)

ഇവയിലെ പെർഫ്യൂം ഓയിൽ ഗാഢത 15 മുതൽ 20 ശതമാനം വരെ. നാല്-അഞ്ച് മണികൂർ നീണ്ടുനിൽക്കും. തീവ്രതകൂടിയ ഗന്ധം ആഗ്രഹിക്കുന്നവർക്ക് ഇത് തിരഞ്ഞെടുക്കാം.

ഓ ഡേ ടോയ്ലറ്റ് (Eau de Toilette)

കൂടുതൽ ആളുകൾ ഉപയോഗിക്കുന്ന പെർഫ്യൂം. അഞ്ചുമുതൽ 15 ശതമാനം വരെ ഫ്രാഗ്രൻസ് ഓയിൽ ഗാഢതയുള്ള ഇവയുടെ നറുമണം രണ്ടു മുതൽ മൂന്നു മണിക്കൂർ വരെ നിൽക്കും. മീഡിയം ലെവൽ ഗന്ധം കൊതിക്കുന്നവർക്ക് ഇവ തിരഞ്ഞെടുക്കാം.

ഓ ഡേ കൊളോൺ (Eau de Cologne)