રાજકાજ

કૈલાશ ગહેલોતના આપમાંથી રાજીનામાનું અસલી કારણ શું છે?

- ચાણક્ય

દિલ્હી વિધાનસભાની ચૂંટણી પહેલાં રાજકીય પક્ષોના અગ્રણીઓમાં પોતાના રાજકીય ભવિષ્યને લક્ષમાં રાખીને પક્ષાંતરની પ્રવૃત્તિ શરૂ થઈ ગઈ છે. મહારાષ્ટ્ર અને ઝારખંડમાં વિધાનસભાની ચૂંટણીઓ સંપન્ન થવા આવી છે. એ પછી ૨૦૨૫ના વર્ષના આરંભમાં દિલ્હી વિધાનસભાની ચૂંટણી ગમે ત્યારે આવી શકે છે. દિલ્હીમાં છેલ્લા લગભગ એક દાયકાથી આમ આદમી પાર્ટીનું શાસન છે. હવે ભૂતપૂર્વ બનેલા મુખ્યપ્રધાન અરવિંદ કેજરીવાલ પક્ષમાં અને સરકારમાં સર્વેસર્વા રહ્યા છે. અત્યાર સુધી તેમનું વર્ચસ્વ અબાધિત રહ્યું હતું, પરંતુ છેલ્લા ઘણા સમયથી તેમનું શાસન અને તેમનો પક્ષ વિવાદનો વિષય બનતો રહ્યો છે.