નાના-મોટા સહુને ભાવે ડ્રાયફ્રૂટ મઠો

ઠંડા ઠંડા કૂલ ફૂલઃ આ ડેઝર્ટ છે તો બહુ લહેજતદાર

- ગરિમા બ્રહ્મભટ્ટ

ઉનાળાના ધકધકતા તાપમાં ઠંડું અને સ્વાદિષ્ટ વ્યંજન મળે તો એનાથી મોટી મજા બીજી કઈ હોઈ શકે? ડ્રાયફ્રૂટ મઠો એવું જ એક ડેઝર્ટ છે, જે કેસરની સુગંધ, ઈલાયચીના મજેદાર ટચ અને પૌષ્ટિક સૂકા મેવાના સંયોજનથી એકદમ લાજવાબ બને છે. ગરમીમાં શીતળતા અને મીઠાશનું પરફેક્ટ કૉમ્બિનેશન આપતો આ મઠો નાના-મોટા સૌને ભાવે.

તો આ વખતે પ્રિયદર્શિની એમની સખીઓ માટે સ્વાદમાં લઈને આવી છે ઉનાળો સ્પેશિયલ ડ્રાયફ્રૂટ મઠો.

સામગ્રી (ચાર વ્યક્તિ માટે)

એક લિટર ફુલ ક્રીમ દૂધ (મલાઈ કાઢ્યા વિનાનું), બે-ત્રણ ચમચી દહીં, ત્રણથી ચાર કપ સાકર, ૧૦-૧૫ નંગ ઈલાયચી, ચાર-પાંચ તાંતણા કેસર, ૧૦ ગ્રામ બદામ, ૧૦ ગ્રામ કાજુ, ૧૦ ગ્રામ પિસ્તા, ૧૦ ગ્રામ અખરોટ.

રીત

*દૂધને એક તપેલીમાં ગરમ કરવા મૂકો. બે ઊભરા આવે એટલે ગૅસ બંધ કરીને એને ઠંડું થવા દો, હળવું ગરમ હોય ત્યારે એમાં બે-ત્રણ ચમચી ફેંટેલું દહીં ઉમેરી મિક્સ કરો.