തരളിതമായൊരു തിരുമുറിവ്

മാന്യതയുടെ പേരിലാണെങ്കിൽ പോലും മനസ്സിനെ തടങ്കലിലാക്കാൻ ആർക്കെങ്കിലും കഴിയുമോ?

- ബാലു കല്ലമ്പളളി

പൊന്നും പണവും മദ്യവും മദിരാക്ഷിയുമൊക്കെ ആണായിപ്പിറന്നവനെ സംബന്ധിച്ചിടത്തോളം മനസ്സിൽ പ്രലോഭനങ്ങൾ സൃഷ്ടിക്കാൻ പര്യാപ്തമായ കാര്യങ്ങളാണ്. സാഹചര്യങ്ങളാണ് പലപ്പോഴും അതിനൊക്കെ വഴിയൊരുക്കുന്നതെന്നും നമുക്ക് അറിവുള്ള കാര്യമാണ്. എന്നാൽ നാം എത്ര ശ്രമിച്ചാലും അത്തരം സാഹചര്യങ്ങൾ പൂർണമായും ഒഴിവാക്കാൻ കഴിഞ്ഞെന്ന് വരില്ല.പ്രത്യേകിച്ചും അധികാരമുളള പദവിയിൽ ഇരിക്കേണ്ടിവരുമ്പോൾ, നമുക്ക റിയാം എത്ര സത്യസന്ധനും മിടുക്കനുമാണെങ്കിലും ശരി എന്തെങ്കിലും പ്രലോഭനത്തിന് വശംവദനായാൽ പിന്നെ, സ്വന്തം ഉത്തരവാദിത്വങ്ങൾ മറന്ന് യാന്ത്രികമായി ഒരു മരമണ്ടനെപ്പോലെയായിരിക്കും പ്രവർത്തിക്കുക. അങ്ങനെ സംഭവിക്കുന്നില്ലെന്ന് ഉറപ്പുവ രുത്താനായി എന്റെ ഔദ്യോഗിക ജീവി തത്തിനിടയിൽ, ഒരു പ്രത്യേക സാഹച ര്യത്തിൽ, എന്റെ ഒരു സബോർഡിനേറ്റ് എടുത്ത് മുൻകരുതൽ, രസകരമായി തോന്നിയതിനാൽ ഞാൻ അത് നിങ്ങൾക്കായി പങ്കുവയ്ക്കാം.

സംഭവം നടന്നത് മൂന്ന് പതിറ്റാണ്ടു കൾക്ക് മുൻപ്. ഞാൻ ബോംബെയിലെ മലാഡിലുളള പി.എഫ്. ഓഫീസിൽ അസിസ്റ്റന്റ് കമ്മീഷണറായിരിക്കുമ്പോ ഴായിരുന്നു. സാധാരണഗതിയിൽ പി.എഫിന്റെ ഫൈനൽ സെറ്റിൽമെന്റിനു വേണ്ടി അപേക്ഷിക്കണമെങ്കിൽ വരി സംഖ്യ അടയ്ക്കുന്ന അംഗം ജോലിയിൽ നിന്ന് വിരമിച്ചിട്ട് രണ്ട് മാസം കഴി ഞ്ഞിരിക്കണം എന്ന നിബന്ധനയുണ്ടായിരുന്നു. എന്നാൽ വിദേശത്ത് തൊഴിൽ ലഭിച്ചതിന്റെ പേരിലാണ് ഇവിടെയുണ്ടായിരുന്ന ജോലിയിൽ നിന്ന് പിരിയേണ്ടി വന്നതെങ്കിൽ അത്തരം വെയ്റ്റിങ് പീരീഡിന്റെ ആവശ്യമുണ്ടായിരുന്നില്ല. മാത്രമല്ല അത്തരം കേസുകളിൽ മുൻഗണനാടിസ്ഥാനത്തിൽ ക്ലെയിം സെറ്റിൽ ചെയ്ത് തുക കഴിവതും വേഗം അയച്ചുകൊടുക്കണമെന്നും നിർദ്ദേശമുണ്ടായിരുന്നു. മേൽപ്പടി വ്യവസ്ഥകൾ ദുരുപയോഗം ചെയ്യാതിരിക്കാനുളള മുൻകരുതലെന്ന നിലയിൽ അപേക്ഷകനായ അംഗത്തിന്റെ പാസ്പോർട്ടിന്റെയും എംപ്ലോയ്മെന്റ് വിസയുടേയും വിദേശത്തേക്ക് പോകാനുള കൺഫേമ്ഡ് എയർ ടിക്കറ്റിന്റെയും ഒറിജിനലുകൾ അസിസ്റ്റന്റ് കമ്മീഷണർ റാങ്കിൽ കുറയാത്ത പദവിയിലുളള ഉദ്യോഗസ്ഥൻ നേരിട്ട് പരിശോധിച്ച് എല്ലാം ശരിയെന്ന് ബോധ്യപ്പെടുകയും അതിന്റെയൊക്കെ ഫോട്ടോകോപ്പി അറ്റസ്റ്റ് ചെയ്ത് അപേക്ഷ യോടൊപ്പം സൂക്ഷിക്കുകയും വേണ്ടിയിരുന്നു.