மீண்டும் கள்ளச்சாராயம்! பொங்கியெழுந்த பெண்கள்!

கள்ளக்குறிச்சி சாராயச் சாவுகளைத் தொடர்ந்து வழக்கு, கைது என அதிரடி காட்டிவந்த மயிலாடுதுறை மாவட்ட காவல்துறை மீண்டும் வழக்கம்போல் சைலண்ட் மோடுக்குப் போனதால் ஆங்காங்கே கள்ளச்சாரயமும், கஞ்சா விற்பனையும் கொடிகட்டிப் பறப்பதாக மீனவ கிராமங்களைச் சேர்ந்த பெண்கள் மாவட்ட ஆட்சியரிடம் புகாரளித்துள்ளனர்.

- க.செல்வகுமார்

"கள்ளக்குறிச்சி, மரக்காணம் சில்பட்டு உள்ளிட்ட பகுதிகளில் நடந்த கள்ளச்சாராய ணங்கள் தி.மு.க.

அரசுக்கும், முதல்வர் ஸ்டாலினுக்கும் மிகப்பெரிய தலைவலி யை உண்டாக்கியது. தமிழக முதல்வர் ஸ்டாலின் பதவி விலகவேண்டும் என்று முழக்கமிடும் நிலைக்குப்போனது.

சட்டசபையில் இதன் தாக்கம் அதிகரிக்கவே, மதுவிலக்கு திருத்த மசோதாவை ஒருமனதாக நிறைவேற்றியதோடு, அந்த மசோதா கவர்னர் ஒப்புதலுக்கும் அனுப்பப்பட்டது. அந்த மசோதாவிற்கும் ஆளுநர் ஒப்புதல் வழங்கி கையெழுத்திட்டார்.

இது ஒருபுறமிருக்க, இனி கள்ளச்சாராய இறப்புகள் நடந்தால் அந்தந்த மாவட்ட நிர்வாகமும், காவல்துறையுமே பொறுப்பு என கறாராக அதிரடிகாட்டியுள்ளார் முதல்வர் ஸ்டாலின். இப்படி பல்வேறு அதிரடி மாற்றங்களை கொண்டுவந்தாலும் அந்த அதிரடியை சில மாதங்களில் மீண்டும் பழைய நிலைக்கு கொண்டுவந்து நிறுத்திவிடுகின்றனர் காவல்துறையிலுள்ள கருப்பு ஆடுகள்.

புதுச்சேரி மாநிலத்திற்கு உட்பட்ட காரைக்காலை ஒட்டியிருக்கின்ற திருவாரூர், நாகை, மயிலாடுதுறை, தஞ்சை ஆகிய மாவட்டங்களில், கள்ளக்குறிச்சி சாராயச் சாவுகள் நிகழ்ந்து பரபரப்பான சூழலிலும்கூட காரைக்காலிலிருந்து ஸ்பிரிட் சாராயமும், சர்பத் வடிவிலான பாக்கெட் சாராயமும், மதுபாட்டில்களும் ஜரூராக கடத்திவரப்பட்டு விற்பனை செய்யப்பட்டன. குறிப்பாக மயிலாடு துறை, நாகை மாவட்டத்தில் எந்தவித பதட்டமு மில்லாமல் காரைக்காலிலிருந்து கடத்தல் நடந்துகொண்டுதான் இருக்கிறது. அதோடு ஆன்லைன் லாட்டரிகளும், சீட்டுக்கட்டு கிளப்புகளும் ஜரூராக சூடுபிடித்து நடந்துவரு கிறது" என்கிறார்கள் நேர்மையான காக்கிகள் சிலர்.

மயிலாடுதுறை மாவட்ட காவல்துறை குறித்து நன்கு அறிந்த நேர்மையான காவல் துறை அதிகாரி ஒருவரிடம் விசாரித்தோம். மயிலாடுதுறை மாவட்டத்தில் நடக்கின்ற குற்றங்கள் குறித்து அவர் விவரித்தார்.