தூய்மையான குடிநீர் விநியோகம் குறித்து விவாதிக்கப்பட வேண்டும்

தமிழகம் முழுவதும் இன்று அனைத்து கிராம ஊராட்சிகளிலும் நடைபெறும் கிராம சபை கூட்டத்தில் தூய்மையான குடிநீர் விநியோகம் குறித்து விவாதிக்கப்பட வேண்டும் என்று தமிழக அரசு உத்தரவிட்டுள்ளது.

இதுகுறித்து ஊரக வளர்ச்சி மற்றும் ஊராட்சி இயக்குநர் பொன்னையா நேற்று அனைத்து மாவட்ட ஆட்சி தலைவர்களுக்கு எழுதியுள்ள கடிதத்தில் கூறியிருப்பதாவது: தங்கள் மாவட்டத்தில் உள்ள அனைத்து கிராம ஊராட்சிகளிலும், அனைத்து கிராம மக்களும் ஆர்வத்துடன் கிராம சபை கூட்டத்தில் கலந்து கொள்ள ஏதுவாக கிராம சபை கூட்டம் இன்று நடைபெற உள்ளது.