சென்னை போலீஸ் கமிஷனர் அருண் உத்தரவின்பேரில் மகளிர் இன்ஸ்பெக்டர்கள், போலீசாருக்கு போக்சோ வழக்கு குறித்து பயிற்சி வகுப்பு

100க்கும் மேற்பட்ட காவல் அலுவலர்கள் பங்கேற்பு

சென்னை பெருநகர காவல் ஆணையர் அருண் உத்தரவின்படி, அனைத்து மகளிர் காவல் நிலைய ஆய்வாளர்கள் மற்றும் காவலர்களுக்கு போக்சோ வழக்கு சம்பந்தமாக ஏற்படும் சந்தேகங்கள் குறித்தும், புலன்விசாரணையின் போது செய்ய வேண்டியவை, செய்யக்கூடாதவை பற்றிய பயிற்சி வகுப்புகள் குறித்தும் சென்னை பெருநகர காவல் ஆணையர் அலுவலகத்தில் 2 நாட்கள் பயிற்சி வகுப்புகள் நடந்தது.

பெண்கள் மற்றும் குழந்தைகளுக்கு எதிரான குற்றத் தடுப்பு பிரிவு காவல்துணை ஆணையர் வனிதா ஏற்பாட்டின்படி, போக்சோ வழக்குகள் தொடர்பான இப்பயிற்சி வகுப்பை மத்திய குற்றப்பிரிவு, கூடுதல் காவல் ஆணையர் ராதிகா துவக்கி வைத்து பேசினார்.

தொடர்ந்து, கீழ்ப்பாக்கம் மருத்துவக் கல்லூரி பேராசிரியர் மணிகண்டராஜூ போக்சோ வழக்குகளில் பாதிக்கப்பட்ட குழந்தைகள் மற்றும் எதிரிகளிடம் இருந்து மருத்துவ மாதிரிகளை எவ்வாறு சேகரித்து பரிசோதனைக்கு அனுப்ப வேண்டும், வழக்கிற்கு தேவையான கேள்விகள் எவ்வாறு கேட்க வேண்டும் என்று கூறினார்.