மழைக்கால முன்னெச்சரிக்கை நடவடிக்கை துணை முதல்வர் உதயநிதி ஸ்டாலின் தலைமையில் ஆய்வுக்கூட்டம்

துணை முதல்வர் உதயநிதி ஸ்டாலின் தலைமையில் நேற்று தலைமைச் செயலகத்தில், வடகிழக்கு பருவமழையையொட்டி தற்போது வரை எடுக்கப்பட்ட நடவடிக்கைகள், வரும் மழைக்காலங்களையொட்டி எடுக்கப்பட்டு வரும் முன்னெச்சரிக்கை நடவடிக்கை குறித்த ஆய்வுக் கூட்டம் நடந்தது.

இதில் துணை முதல்வர் உதயநிதி ஸ்டாலின் கூறியதாவது: கடந்த 14, 15, 16ம் தேதி பெய்த மழையின் போது மழை நீரை அகற்றும் பணியில் சென்னை மாநகராட்சியில் பணியாற்ற 15 மண்டலங்களுக்கும் ஐ.ஏ.எஸ் அதிகாரிகள் நியமிக்கப்பட்டு, இரவு, பகலாக சிறப்பாக பணிசெய்தீர்கள். அவ்வளவு மழைநீரும் சில மணி நேரங்களிலேயே வடிந்து சென்றது. சில பகுதிகளில் மோட்டார் வைத்து நீர் அகற்றப்பட்டது. சில மணிநேரங்களிலேயே பொதுமக்கள் இயல்பு நிலைக்கு திரும்பினார்கள்.