மீனம்பாக்கம் - பரந்தூர் விமான நிலையம் இடையே ஹைப்பர் லூப் ரயில் சேவை

சென்னை மீனம்பாக்கம் விமான நிலையத்தில் இருந்து பரந்தூரில் புதிதாக அமைக்கப்பட உள்ள விமான நிலையத்திற்கு 15 நிமிடத்தில் செல்லும் வகையில், ஹைப்பர் லூப் ரயில் சோதனை திட்டத்தை செயல்படுத்த சென்னை ஒருங்கிணைந்த பெருநகர போக்குவரத்து ஆணைய அதிகாரிகள் மற்றும் ஐஐடி குழுவினர் ஆலோசனை மேற்கொண்டுள்ளனர்.

சென்னை மீனம்பாக்கம் விமான நிலையம் மிகவும் முக்கியமானதாக உள்ளது. இங்கு தினமும் பல லட்சம் பயணிகள் வந்து செல்கிறார்கள். இந்தியாவின் முக்கிய விமான நிலையங்களில் ஒன்றாக இது உள்ளது. பல நாடுகளுக்கு இங்கிருந்து விமான சேவைகள் இயக்கப்படுகின்றன. இதனால் நாள்தோறும் ஏரளமான பயணிகள் விமானத்தில் செல்கின்றனர். அதிக எண்ணிக்கையிலான பயணிகளை கையாளும் விமான நிலையமாகவும் இது உள்ளது.