இரு மாநிலங்களிலும் விறுவிறுப்பான வாக்குப்பதிவு மகாராஷ்டிரா 62%, ஜார்க்கண்ட் 68%

மகாராஷ்டிரா, ஜார்க்கண்ட் இரு மாநிலங்களிலும் சட்டப்பேரவை தேர்தல் வாக்குப்பதிவு நேற்று நிறைவடைந்தது.

ஒரே கட்டமாக தேர்தல் நடந்த மகாராஷ்டிராவில் 62 சதவீத வாக்குகளும், ஜார்க்கண்டில் 68 சதவீத வாக்குகளும் பதிவாகி உள்ளன. வரும் 23ம் தேதி வாக்குகள் எண்ணப்பட்டு முடிவுகள் அறிவிக்கப்பட உள்ளன.

மகாராஷ்டிராவில் ஒரே கட்டமாகவும், ஜார்க்கண்ட் மாநிலத்தில் 2 கட்டமாகவும் சட்டப்பேரவை தேர்தல் நடத்தப்படும் என தேர்தல் ஆணையம் அறிவித்தது. அதன் படி, மொத்தம் 81 தொகுதிகள் கொண்ட ஜார்க்கண்டில் முதல் கட்டமாக 43 தொகுதிகளில் கடந்த 13ம் தேதி தேர்தல் நடந்தது. இதைத் தொடர்ந்து, ஜார்க்கண்டில் எஞ்சிய 38 தொகுதிகளுக்கு 2ம் கட்டமாகவும், மகாராஷ்டிராவில் மொத்தமுள்ள 288 தொகுதிகளுக்கு ஒரே கட்டமாகவும் நேற்று தேர்தல் நடந்தது.

மகாராஷ்டிராவில் பாஜ. ஷிண்டேவின் சிவசேனா மற்றும் அஜித் பவாரின் தேசியவாத காங்கிரஸ் கொண்ட மகாயுதி கூட்டணியும், உத்தவ் சிவசேனா, காங்கிரஸ், சரத்பவார் கட்சிகளை கொண்ட மகாவிகாஸ் அகாடி கூட்டணியும் போட்டியிடுகின்றன. மொத்தம் 4,136 வேட்பாளர்கள் களமிறங்கிய நிலையில், தேர்தலுக்கான வாக்குப்பதிவு நேற்று காலை 7 மணிக்கு தொடங்கி மாலை 6 மணி வரை நடைபெற்றது.