நெம்மேலி கடல்நீர் சுத்திகரிப்பு ஆலை கட்டுமானப் பணி

விரைந்து முடிக்க தலைமைச் செயலர் உத்தரவு

நெம்மேலி கடல்நீா் சுத்தகரிப்பு ஆலை கட்டுமானப் பணிகளை குறித்த காலத்துக்குள் விரைந்து முடிக்க வேண்டும் என்று தலைமைச் செயலா் சிவ்தாஸ் மீனா உத்தரவிட்டாா்.

நெம்மேலியில் நாளொன்றுக்கு 150 மில்லியன் லிட்டா் திறன் கொண்ட கடல்நீரை குடிநீராக்கும் நிலைய கட்டுமானப் பணிகள் நடைபெற்று வருகின்றன. இந்தத் திட்டமானது ரூ.1,516.82 கோடி மதிப்பில் செயல்படுத்தப்பட்டு வருகிறது.

கடல்நீரை நிலையத்துக்கு உள்ளே கொண்டு வரும் குழாய், நிராகரிக்கப்பட்ட உவா்நீரை கடலுக்கு வெளியேற்றும் குழாய், ஆழ்நிலை நீா்த்தேக்கத் தொட்டி, காற்றழுத்தம் மூலம் எண்ணெய் மற்றும் கசடுகளை அகற்றும் தொட்டி ஆகியவை அமைக்கப்பட்டுள்ளன.