ஜார்க்கண்ட்: மீண்டும் முதல்வராகிறார் ஹேமந்த் சோரன்

ஜார்க்கண்ட் முதல்வர் சம்பயி சோரன் புதன்கிழமை ராஜி நாமா செய்த நிலையில், மாநில ஆளுநர் சி.பி. ராதாகிருஷ்ணனை சந்தித்து முன்னாள் முதல்வர் ஹேமந்த் சோரன் ஆட்சியமைக்க உரிமை கோரினார்.

ஜார்க்கண்டில் ஜார்க்கண்ட் முக்தி மோர்ச்சா (ஜேஎம்எம்), காங்கிரஸ், ராஷ்ட்ரீய ஜனதாதள கட்சிகளின் கூட்டணி ஆட்சி நடைபெற்று வருகிறது.

இந்நிலையில், நில மோசடியுடன் தொடர்புள்ள சட்டவிரோத பணப் பரிவர்த்தனை வழக்கில் ஜார்க்கண்ட் முன்னாள் முதல்வரும், ஜேஎம்எம் தலைவருமான ஹேமந்த் சோரனை அமலாக்கத்துறை கடந்த ஜன.31-ஆம் தேதி கைது செய்தது. அதற்கு முன்பு அவர் முதல்வர் பதவியை ராஜிநாமா செய்தார். இதைத் தொடர்ந்து, ஜேஎம் எம் கட்சியைச் சேர்ந்த சம்பயி சோரன் மாநில முதல்வராகப் பதவியேற்றார்.