13 துறைகளில் தமிழகம் முன்னிலை

இந்தியாவில் வறுமை ஒழிப்பு, மகளிா் மேம்பாடு, சுகாதாரம் உள்ளிட்ட 13 துறைகளில் தமிழகம் முன்னிலை வகிக்கிறது என தமிழக இளைஞா் நலன், விளையாட்டு மேம்பாட்டுத் துறை அமைச்சா் உதயநிதி ஸ்டாலின் தெரிவித்தாா்.

மதுரை ஒத்தக்கடை அருகே மாவட்ட நிா்வாகம் சாா்பில் மகளிா் சுய உதவிக் குழு உறுப்பினா்களுக்கு கடனுதவி, இலவச வீட்டுமனைப் பட்டா, பல்வேறு துறைகள் சாா்பில் பயனாளிகளுக்கு நலத் திட்ட உதவிகள் வழங்கும் விழா திங்கள்கிழமை நடைபெற்றது. இந்த நலத் திட்ட உதவிகளை வழங்கி அமைச்சா் உதயநிதி ஸ்டாலின் பேசியதாவது:

முன்னாள் முதல்வா் மு. கருணாநிதி உழவா் சந்தை, சமத்துவபுரம் போன்ற மக்கள் நலத் திட்டங்களை மதுரையிலிருந்துதான் தொடங்கினாா். அவரது வழியில் ஆட்சி நடத்தும் முதல்வா் மு.க. ஸ்டாலின், கருணாநிதி பிறந்த நூற்றாண்டு தினத்தை முன்னிட்டு, மதுரையில் அவரது பெயரில் ரூ. 250 கோடியில் நூற்றாண்டு நூலகத்தை திறந்துவைத்தாா்.

மதுரை அலங்காநல்லூரில் ரூ. 63 கோடியில் கலைஞா் ஏறு தழுவுதல் அரங்கம் அமைக்கப்பட்டது. மதுரை மட்டுமன்றி, தென் மாவட்டங்களைச் சோ்ந்த மக்கள் அனைவரும் பயன்பெறும் வகையில், அரசின் சாா்பில் பல்வேறு திட்டங்கள் செயல்படுத்தப்பட்டு வருகின்றன.

நலத் திட்டங்களுக்காக அரசைத் தேடிச் சென்ற காலம் போய், அரசே மக்களைத் தேடி வந்து உதவிகளை வழங்கும் திராவிட மாடல் ஆட்சி நடைபெறுகிறது.

கடந்த 2021-ஆம் ஆண்டு திமுக அரசு பொறுப்பேற்றது. அன்று முதல் மகளிா் வாழ்வில் முன்னேற வேண்டும் என்கிற நோக்கில் பல்வேறு திட்டங்கள் செயல்படுத்தப்படுகின்றன. அவற்றுள் மகளிா் கட்டணமில்லா விடியல் பயணம் திட்டம் குறிப்பிடத்தக்கவை. இந்தத் திட்டத்தின் மூலம் இதுவரை மகளிா் 520 கோடி பயணங்களை மேற்கொண்டுள்ளனா்.

மகளிா் மட்டுமன்றி, பள்ளி, கல்லூரி மாணவ, மாணவிகள் பயன்பெறும் வகையில், முதல்வரின் காலை உணவுத் திட்டம், புதுமைப் பெண், தமிழ்ப் புதல்வன் திட்டம் செயல்படுத்தப்படுகின்றன.