போர்கள் நிறுத்தப்பட வேண்டும்; போப் ஃபிரான்சிஸ்

உலகில் நடைபெறும் போர்கள் நிறுத்தப்பட வேண்டும் என்று கத்தோலிக்க திருச்சபை தலைவர் போப் ஃபிரான்சிஸ் ஞாயிற்றுக்கிழமை வலியுறுத்தினார்.

இது தொடர்பாக இத்தாலியின் வாடிகன் நகரில் உள்ள புனித பீட்டர் தேவாலயத்தில் ஞாயிற்றுக்கிழமை நடைபெற்ற சிறப்புத் திருப்பலியில் அவர் பேசியதாவது: உக்ரைன் நகரங்கள் தொடர்ந்து தாக்குதலுக்குள்ளாகி வருகின்றன. இந்தத் தாக்குதல்களில் சில நேரங்களில் பள்ளிகள், மருத்துவமனைகள் மற்றும் தேவாலயங்கள் சேதமடைகின்றன.

காஸாவில் குரூரமான தாக்குதல் நடத்தப்படுகிறது. துப்பாக்கிச்சூட்டில் குழந்தைகள் உயிரிழக்கின்றனர். பள்ளிகள், மருத்துவமனைகள் மீது குண்டுகள் வீசப்படுகின்றன.