மக்களவையில் நிதியமைச்சர், காங்கிரஸ் எம்.பி. காரசார விவாதம்

பிரதமர் நரேந்திர மோடியை விமர்சித்து காங்கிரஸ் எம்.பி. கெளரவ் கோகோய் தெரிவித்த கருத்துக்காக, அவருக்கும் நிதியமைச்சர் நிர்மலா சீதாராமனுக்கும் இடையே மக்களவையில் செவ்வாய்க்கிழமை காரசார விவாதம் நடைபெற்றது.

- 

புது தில்லி, மார்ச் 11:

மானியங்கள் மற்றும் மணிப்பூர் பட்ஜெட்டுக்கான கோரிக்கைகள் குறித்த விவாதத்தில் பங்கேற்றுப் பேசிய மக்களவை காங்கிரஸ் குழு துணைத் தலைவர் கோகோய், 'நாட்டில் ஒரு முக்கியமான பிரச்னை வரும்போதெல்லாம் பிரதமர் வெளிநாடுகளுக்கு மறைந்து விடுகிறார்' என்று விமர்சித்தார்.

இதனிடையே குறுக்கிட்ட மக்களவைத் தலைவர் ஓம் பிர்லா, 'தனது அரசுமுறை வெளிநாட்டு (மோரீஷஸ்) பயணம் குறித்து பிரதமர் மோடி என்னிடம் தெரிவித்துவிட்டார். முந்தைய பிரதமர்களும் நாடாளுமன்ற அமர்வுகளின் போது வெளிநாட்டு பயணங்களை மேற்கொண்டுள்ளனர்' என கூறினார்.