આજની યુવા પેઢી ધર્મથી દૂર થતી જાય એનું જવાબદાર કોણ?

ધર્મ સાયન્સ જ છે. તેમને સાયન્સથી જોડીશું તો ધર્મ સાથે આપોઆપ જોડાઈ જશે.

- 

યુવા પેઢી એટલે જોઈ, પરખી પછી યોગ્ય લાગે તો અપનાવનારી. આપણે કોઈપણ બાબત, નિર્ણય તેનાં પર થોપી બેસાડીએ; તો તે વિદ્રોહ કરી તેનો અસ્વીકાર કરે, પરંતુ દરેકની પાછળનો મર્મ સમજાવતાં તે જરૂર અપનાવે. આ પેઢી ખૂબ સમજદાર છે. તેની વિચાર શક્તિ પૂરા આકાશને અડી જાય તેવી હોવાં છતાં પગ જમીન પર રાખવાનું પસંદ કરે છે. આપણે જે ધર્મ અપનાવીએ, અનુસરીએ, તે રીતે અનુસરવાનું કહેતાં તે ક્યારેય હામી નહીં ભરે. આપણે દરરોજ સવારે ભગવાનનાં દર્શન વગર પાણીનો ઘૂંટડો પણ મોમાં ના નાખતાં હોઈએ અને આપણાં સંતાનો પાસે તેવી જ આશા રાખીએ, તો તેમનાં પ્રમાણે “ખાધાંપીધાં વગર જવાથી રસ્તામાં ચક્કર આવે તો?” જે ઘણાં અંશે બરાબર પણ છે. હવે શરીર પહેલાં જેવાં નથી રહ્યાં. બી.પી., ડાયાબિટીસ આ બધાએ આપણાં જ શરીરમાં આપણને જ ભાડે રાખી લીધાં છે. હાર્ટ એટેક તો કહ્યાં વગરનાં મહેમાન જેવું બની ગયું છે. આગમ ચેતવણી વગર ગમે ત્યારે આવી પડે. એકી સાથે બે-ચાર કલાકો બેસીને ધર્મધ્યાન કરવાનું સંતાનોને કહીશું, તો વધારે કલાકો પગ વાળીને બેસ