ચીને કારખાના ધમધમતા રાખવા બીજા દેશોમાં બેરોજગારી ફેલાવી?

ચીનના દરેક પ્રાંતમાં ટીવી, વોશિંગ મશીન, કારની ફેક્ટરીઓ ધમધમી રહી છે યુરોપ અને અમેરિકાએ ચીનના સસ્તા માલ પર ડ્યૂટી ઝીંકવાનો નિર્ણય લીધો છે, ચીને હવે નિયંત્રણોથી બચવા માટે બીજા દેશોનો ઉપયોગ કરે છે અને ટેક્સથી બચી જાય છે

આખી દુનિયામાં તેજી હોય કે મંદી, ચીનને કોઈ ફરક નથી પડતો. આખા વિશ્વના અર્થતંત્રોમાં ગભરાટ હોય ત્યારે પણ ચીનની નિકાસ સતત વધતી જાય છે. ચીને તાજેતરમાં વિદેશમાં પોતાના માલના વેચાણમાં એટલો બધો વધારો કર્યો છે કે ચાઈનીઝ અર્થતંત્રને ફાયદો થયો છે,  પરંતુ બીજા દેશોમાં રોજગારી ઘટી રહી છે.