આંધ્રપ્રદેશ અને તેલંગાણા પૂરની ઝપેટમાં આવી ગયા । બંને રાજ્યોમાં પૂરના કારણે ૧૯ના મોત

રાજ્યમાં ભારે વરસાદને કારણે નદીઓમાં પૂર ૧૭હજારથી વધુ લોકોને સલામત સ્થળે પહોંચાડવામાં આવ્યા । મોદીએ આંધ્ર પ્રદેશના મુખ્યમંત્રી ચંદ્રબાબુ નાયડુ અને તેલંગાણાના મુખ્ય પ્રધાન રેવંત રેડ્ડી સાથે ફોન પર પરિસ્થિતિનો તાગ મેળવ્યો

ગુજરાત અને બિહાર બાદ હવે આંધ્રપ્રદેશ અને તેલંગાણા પૂરની ઝપેટમાં આવી ગયા છે. રાજ્યમાં ભારે વરસાદને કારણે નદીઓમાં પૂર આવી ગયું છે. હૈદરાબાદ સહિત અનેક મોટા શહેરોમાં રસ્તાઓ તળાવ બની ગયા છે. બંને રાજ્યોમાં પૂરના કારણે ૧૯ લોકોના મોત થયું હોવાનું સામે આવ્યું છે. ૧૭ હજારથી વધુ લોકોને સલામત સ્થળે પહોંચાડવામાં આવ્યા છે. પ્રશાસને શાળાઓ બંધ કરવાના આદેશ આપ્યા છે. ભારતીય રેલ્વેએ બંને રાજ્યોમાંથી પસાર થતી ૧૪૦ ટ્રેનો પણ રદ કરી છે.