அடையாளம் இல்லாத எங்களை அடையாளப்படுத்தும் வகையில் பல்வேறு அரசு நலத்திட்ட உதவிகள் வழங்கி வரும் முதல்வர் - புதுக்கோட்டை மாவட்ட பயனாளிகள் நெஞ்சார்ந்த நன்றி

"கருவியும் காலமும் செய்கையும் செய்யும் அருவினையும் மாண்டது அமைச்சு" -திருக்குறள் உரிய சுருவி, உற்றகாலம் ஆற்றும் வகை, ஆற்றிடும் பணி ஆகியவற்றை ஆய்வறிந்து செயல்படுபவனே சிறந்த அமைச்சன் என்ற வள்ளுவத்திற்க்கிணங்க ஏழை எளிய பொதுமக்களின் நலனில் அக்கறைகொண்டு அவர்களுக்கு தேவையானவற்றை ஆய்ந்தறிந்து உற்ற நேரத்தில் உரிய வகையில் வழங்கிட எண்ணற்றத் திட்டங்கனை மாண்புமிகு தமிழ்நாடு முதலமைச்சர் செயல்படுத்தி வருகிறார்கள்.

தமிழ்நாடு முதலமைச்சர் பொதுமக்கள் அனைவரும் முன்னேற்றம் அடைய வேண்டும் என்ற உன்னத நோக்கத்தில் பல்வேறு நலத்திட்டங்களை சிறப்பாக செயல்படுத்தி வருகிறார்கள். அந்த வகையில் திருநங்கைகள் அனைவரும் பொருளாதாரத்தில் மேம்பாடு அடைந்திடும் வகையில் எண்ணற்ற திட்டங்கள் செயல்படுத்தப்பட்டு வருகிறது. அதன்படி திருநங்கைகளுக்கு வாக்காளர் அடையாள அட்டை, ஆதார் அட்டை, முதலமைச்சரின் விரிவான மருத்துவ காப்பீடு திட்டம் உள்ளிட்ட பல்வேறு உதவிகள் சிறப்பு முகாம்கள் மூலம் நிறைவேற்றப்பட்டு வருகிறது.

தமிழ்நாடு முதலமைச்சர் திருநங்கைகளுக்கும் நகரப் பேருந்துகளில் இலவச பயணத்திட்டத்தினை செயல்படுத்தி உள்ளார்கள். மேலும் திருநங்கைகளுக்கு குறு, சிறு மற்றும் நடுத்தர தொழில்கள் தொடங்குவதற்கு பல்வேறு உதவிகள் செயல்படுத்தப்பட்டு வருகிறது. புதுக்கோட்டை மாவட்டத்தில் திருநங்கைகளுக்கான சிறப்பு முகாமில் வழங்கப்பட்டுள்ள நலத்திட்டங்கள் குறித்து மாவட்ட ஆட்சித்தலைவர் தெரிவித்ததாவது; தமிழ்நாடு முதலமைச்சர் திருநங்கைகள் பொருளாதாரத்தில் முன்னேற்றம் அடைய வேண்டும் என்ற உன்னத நோக்கத்தில் பல்வேறு நலத்திட்டங்களை அறிவித்து சிறப்பாக செயல்படுத்தி வருகிறார்கள்.

அந்த வகையில் சமூக நலன் மற்றும் மகனிர் உரிமைத்துறை சார்பீல் திருநங்கைகளுக்கான சிறப்பு முகாம் நடத்துதல், பல்வேறு அரசு நலத்திட்ட உதவிகள் வழங்குதல் உள்ளிட்ட பல்வேறு நடவடிக்கைகள் மேற்கொள்ளப்பட்டு வருகிறது.

அதன்படி மாவட்ட ஆட்சியரகத்தில் திருநங்கைகளுக்கான சிறப்பு முகாம் 21.6.2024 அன்று நடைபெற்றது.