கள ஆய்வு தொடங்கும், அரசின் சாதனைத் திட்டங்களும் தொடரும்

தொண்டர்களுக்கு முதலமைச்சர் மு.க.ஸ்டாலின் கடிதம்

தி.மு.க தொண்டர்களுக்கு முதல்வர் ஸ்டாலின்‌ கடிதம்‌ ஒன்றை எழுதியுள்ளார்‌. அந்த கடிதத்தில்‌ கூறியிருப்பதாவது:

நம்‌ உயிருடன்‌ கலந்திருக்கும்‌ தலைவர்‌ கலைஞர்‌ அவர்களின்‌ அன்பு உடன்பிறப்புகளுக்கு உங்களில்‌ ஒருவன்‌ எழுதும்‌ மடல்‌.

மக்களிடம்‌ செல்‌ என்பதும்‌ அவர்களுடன்‌ வாழ‌ என்பதும்‌ நமக்கு பொது வாழ்க்கைக்கான‌ பாடம்‌ கற்றுக்‌ தந்தவர்‌ பேரறிஞர்‌ அண்ணா. அந்த அண்ணாவின்‌ அன்புத்‌ தம்பியாக, அவர்‌ உருவாக்கிய திமுக எனும்‌ அரசியல்‌ பேரியக்கத்தை அரை நூற்றாண்டு காலத்திற்கு வழிநடத்திய கருணாநிதியும்‌ அதையே நமக்கு கற்றுத்‌ தந்திருக்கிறார்‌. கழகம்‌ ஆளுங்கட்சியாக இருந்தாலும்‌, எதிர்க்கட்சியாக இருந்தாலும்‌ எப்போதும்‌ மக்களிடம்‌ சென்று, மக்களுடன்‌ நிற்கும் இயக்கமாகவே உள்ளது.

தமிழ்‌ நாட்டின்‌ வளர்ச்சிக்கான தொழில்‌ முதலீடுகளை ஈர்ப்பதற்காக அமெரிக்கப்‌ பயணம்‌ மேற்கொள்வதற்கு முன்பாகவே நமது திராவிட மாடல்‌ அரசின்‌ அமைச்சர்களிடம்‌ அவரவர்‌ துறை சார்ந்த ஆய்வுகளை மேற்கொண்டு, அவரவர்‌ மாவட்டங்களில்‌ உள்ள பணிகள்‌ குறித்த ஆய்வுகளை மேற்கொண்டு அறிக்கை தயாரித்து வைக்குமாறு கேட்டுக்கொண்டேன்‌. அதுபோலவே, அமைச்சர்கள்‌ பலரும்‌ அறிக்கைகளை அளித்திருந்தனர்‌. அதனை நானும்‌, துணை முதல்வரும்‌, மூத்த அமைச்சர்களும்‌ பார்வையிட்டு, பத்தாண்டு கால அ.தி.மு.க ஆட்சியில்‌ முடங்கிப்‌ போயிருந்த தமிழ்நாட்டின்‌ வளர்ச்சி மற்றும்‌ உள்கட்டமைப்பினை மேம்படுத்த மாவட்டவாரியான ஆய்வுகளுக்குத்‌ திட்டமிட்ட நிலையில்‌, பருவ மழைக்காலம்‌ தொடங்கிவிட்டது.

இந்த ஆண்டு வடகிழக்கு பருவ மழையின்‌ தொடக்கத்திலேயே சென்னை உள்ளிட்ட தமிழ்‌ நாட்டின்‌ பல பகுதிகளில்‌ கனமாகப்‌ பெய்த நிலையில்‌, முதலமைச்சரான உங்களில்‌ ஒருவனான நானும்‌, துணை முதல்வர்‌ உள்ளிட்ட அமைச்சர்களும்‌, நாடாளுமன்ற மற்றும் சட்டமன்ற உறுப்பினர்களும்‌, மேயர்‌, சேர்மன்‌, உள்ளாட்சி மன்ற உறுப்பினர்கள்‌ உள்ளிட்ட அனைத்து மக்கள்‌ பிரதிநிதிகளும்‌, அரசு நிர்வாகத்தினரும்‌ இரவு பகல்‌ பாராமல்‌ களத்தில்‌ நின்று மக்களின்‌ இயல்பு வாழ்க்கை பாதிக்கப்படாமல்‌ பணியாற்றியதை ஊடகங்களும்‌, திராவிட மாடல்‌ அரசின்‌ பணியை நேரில்‌ பார்த்த பொது மக்களும்‌ பாராட்டுகின்றனர்‌.