குரலை உயர்த்தி கைகளை சுழற்றிப் பேசி...தி.மு.க.வை வீழ்த்தி விடலாம் என பகல் கனவு காண்கிறார் எடப்பாடி!

அமைச்சர் ரகுபதி கடும் தாக்கு!!

சென்னை குரலை உயர்த்தி கைகளை சுழற்றிப் பேசி தி.மு.க.வை வீழ்த்தி விடலாம் என எடப்பாடி பழனிசாமி பகல் கனவு காண்கிறார் என அமைச்சர் ரகுபதி கடுமையாக தாக்கினார்.

சட்டத்துறை அமைச்சர் ரகுபதி சமூக வலைதளத்தில் ஒரு செய்தி வெளியிட்டுள்ளார்.

அதில் கூறியிருப்பதாவது:

முதல்வர் மு.க. ஸ்டாலின் சுட்டிக்காட்டியதைப்போல் 'வாழைப்பழ காமெடியை' போல அறிக்கையிலும் சரி மேடையிலும் சரி சொன்னதையே சொல்லிக் கொண்டிருக்கிறார் எதிர்க்கட்சி தலைவர் எடப்பாடி பழனிசாமி. தி.மு.க. அரசின் நலத்திட்டங்கள் மற்றும் சமத்துவ-சமூக மேம்பாட்டு செயல்திட்டங்களால் தமிழ் நாட்டு மக்கள் முதலமைச்சருக்கான சிம்மாசனத்தை அளித்திருக்கிறார்கள்.