பொங்கல் பரிசுத் தொகுப்பு விநியோகம் தொடங்கியது!

சென்னையில் முதல்வர் ஸ்டாலின் தொடங்கி வைத்தார்; இலவச வேட்டி - சேலையும் வழங்கப்படுகிறது!!

பொங்கல் பரிசுத் தொகுப்பு விநியோகம் ரேசன் கடைகள் மூலம் இன்று தொடங்கியது. இந்த பரிசுத் தொகுப்பை முதலமைச்சர் மு.க.ஸ்டாலின் சென்னை யில் இன்று வழங்கி தொடங்கி வைத்தார். இதன் மூலம் 2.20 கோடி குடும்பங்கள் பயனடை கின்றன.

"பொங்கலோ பொங்கல்" என்று சொல்லும் போதே மக்கள் மனங்களில் மகிழ்ச்சிபொங்குகிறது.தமிழர்தம் ஊனோடு உயிரோடு, உணர்வோடு கலந்த விழா வாக தமிழர் திருநாளாம் பொங்கல் திருநாள் அமைந்துள்ளது.

இத்தகைய சிறப்பு மிக்க தமிழர் திருநாளாம் பொங்கல் பண்டிகை உலகம் முழுவதும் வாழும் தமிழர்களால் வருகிற 14-ஆம் தேதி (செவ்வாய்க்கிழமை) உற்சாகமாக கொண்டாடப்படுகிறது. மறுநாள் (15-ஆம் தேதி) மாட்டுப் பொங்கலும், 16ஆம் தேதி காணும் பொங்கலும் கொண்டாடப்படுகின்றன.

இந்த பொங்கல் பண்டிகையை தமிழக மக்கள் உற்சாகமாக கொண்டாட தமிழ்நாடு அரசு ஆண்டுதோறும் பொங்கல் பரிசுத் தொகுப்பு வழங்கப் சார்பில் பட்டு வருகிறது. அதில் பச்சரிசி, சர்க்கரை, முழுக்கரும்பு, இலவச வேட்டி - சேலை விநியோகம் செய்யப்படுகிறது.

அதேபோன்று ஆண்டும் பொங்கல் பண்டிகைக்காக தமிழக அரசு பொங்கல் பரிசுத் தொகுப்பு அறிவித்துள்ளது. இதற்காக தமிழக அரசு ரூ.250 கோடி ஒதுக்கீடு செய்துள்ளது.