46சுங்கச்சாவடிகளில் கட்டணம் உயர்கிறது!

ரூ.5 முதல் ரூ.30 வரை அதிகரிக்கும்!!

- 

தமிழ்நாடு முழுவதும் 46 சுங்கச் சாவடிகளில் இன்று நள்ளிரவு முதல் சுங்கக் கட்டணம் உயர்த்தப்படுகிறது.

இதன் மூலம் வாகனங்களிடம் ரூ.5 முதல் ரூ.30 வரை கூடுதலாக கட்டணம் வசூலிக்கப்படும்.

நெடுஞ்சாலைகளில் கட்டணம் வசூலிப்பதற்காக மத்திய அரசால் சுங்கச் சாவடிகள் அமைக்கப்பட்டுள்ளன. நாட்டில் உள்ள தேசிய நெடுஞ்சாலைகள் மத்திய அரசின் தேசிய நெடுஞ்சாலை அமைச்சக கட்டுப்பாட்டின்கீழ் வருகிறது. சுங்கச் சாவடிகளையும் அந்த அமைச்சகமே நெடுஞ்சாலைகள் ஆணையங்கள் மூலம் தனியார் ஒப்பந்த நிறுவனங்களுக்கு அடிப்படையில் கட்டணம் வசூலிக்க அனுமதி வழங்கி வருகிறது.

இந்தியா முழுவதும் 4 வழிச்சாலை, 6 வழிச்சாலை, 8 வழிச்சாலை என புதிய சாலைகள் போடப்பட்டுள்ளன. இவ்வாறு போடப்பட்டுள்ள 1,46,145 கி.மீ. தூர தேசிய நெடுஞ்சாலைகளில் 1,228 சுங்கச் சாவடிகள் அமைக்கப்பட்டுள்ளன.

இந்த சுங்கச் சாவடிகளில் வாகன ஓட்டிகளிடம் இருந்து சுங்கக் கட்டணம் வசூலிக்கப்படுகிறது.