முதல்வர் ஸ்டாலின் பிறந்த நாள் விழா : 35 பெண்களுக்கு சூரிய மகள் விருது! துர்கா ஸ்டாலின், நடிகர்கள் பிரபு, சத்தியராஜ் வழங்கினர்!!

முதல்வரின் பிறந்த நாளை முன்னிட்டு சாதனை புரிந்த மகளிர் 35 பேருக்கு விருதுகள் வழங்கப்பட்டன.

- 

சென்னை கிழக்கு மாவட்ட திமுக சார்பில் தமிழ்நாடு முதலமைச்சரின் பிறந்த நாளை முன்னிட்டு மக்கள்முதல்வரின் மனிதநேய விழா என்ற தலைப்பில் பல்வேறு நிகழ்ச்சிகள் தொடர்ந்து நடைபெற்று வருகின்றன.

சூரிய மகள் 2025 என்ற தலைப்பில் மகளிருக்கான விருது வழங்கும் நிகழ்ச்சி பாரிமுனையில் உள்ள ராஜா அண்ணாமலை மன்றத்தில் நடைபெற்றது. இந்த நிகழ்ச்சிக்கு சென்னை மாநகர மேயர் பிரியா தலைமை தாங்கினார். அமைச்சர் பி.கே. சேகர்பாபு முன்னிலை வகித்தார். சூரிய மகள் விருதுகளை தமிழ்நாடு முதல்வர் மனைவி துர்கா ஸ்டாலின், நடிகர் சத்தியராஜ் மற்றும் நடிகர் பிரபு ஆகியோர் வழங்கினர்.