પત્નીએ પતિની જાણ બહાર જ ઘરમાંથી ૧૧ લાખના સોનાના દાગીના ચોરી લીધા

દાગીના પોતાના ભાઈ અને માતા-પિતાને આપ્યા હોવાનું વડીલો સામે કબૂલતાં પતિએ ફરિયાદ નોંધાવી

અમદાવાદ, ગુરુવાર

બહેરામપુરામાં પત્નીએ કોઈને પણ પૂછ્યા વગર ઘરમાંથી થોડા થોડા કરીને ૧૧ લાખની કિંમતના ૪૫ તોલા સોનાના દાગીના ચોરી કરીને અમુક વેચી માર્યા હોવાનો કિસ્સો પ્રકાશમાં આવ્યો છે. પત્ની સમાજના વડીલો સામે દાગીના તેના ભાઈ તેમજ માતા પિતાને પણ આપ્યા હોવાની કબૂલાત કરતાં પતિએ ફરિયાદ નોંધાવી છે.

બહેરામપુરામાં રહેતા નીલ દવેએ પોતાની પત્ની વિરુદ્ધ ચોરીની ફરિયાદ નોંધાવી છે. નીલ રખિયાલ ખાતે ખાનગી કંપનીમાં નોકરી કરે છે. વર્ષ ૨૦૧૯માં નીલે દીપ્તિ સાથે સમાજના રીત રિવાજ મુજબ લગ્ન કર્યાં છે.