મોદી સ્ટેડિયમ પર એટેકની ધમકીઃ સાયબર ક્રાઈમ પોલીસની ટીમ ત્રણ રાજ્યમાં ત્રાટકી

મધ્યપ્રદેશમાં મળેલી જોરદાર સફળતા બાદ સાયબર ક્રાઈમની ટીમને દરોડા દરમિયાન વધુ કેટલીક ચોંકાવનારી માહિતીઓ મળી

અમદાવાદ, શુક્રવાર

‘શીખ ફોર જસ્ટિસના સમર્થકો નરેન્દ્ર મોદી સ્ટેડિયમમાં ઘૂસી જશે. મેચના દિવસે લોકો સલામત રહેવા માગતા હોય તો પોતાના ઘરમાં રહે' તેવી ખાલિસ્તાન મૂવમેન્ટ ચલાવતા ગુર૫તવંતસિંહ પન્નુના અવાજમાં ધમકી વાઈરલ કરનાર બે શખ્સોને સાયબર ક્રાઇમની ટીમે મધ્યપ્રદેશથી ઝડપી લીધા હતા. આ કાંડમાં સાયબર ક્રાઈમ પોલીસે ત્રણ અલગ અલગ રાજ્યમાં દરોડા પાડ્યા છે, જેમાં વધુ ચોંકાવનારા ખુલાસાઓ થાય તેવી પણ શક્યતા છે.