મ્યુનિ. શાળાની ૨૯ હજાર વિધાર્થિની સેલ્ફ ડિફેન્સ ટ્રેનિંગ લઈ સજ્જ થશે

‘રાણી લક્ષ્મીબાઈ આત્મરક્ષા' પ્રશિક્ષણ હેઠળ ૩૩૧ શાળાની વિધાર્થિનીઓને તાલીમ

અમદાવાદ, શુક્રવારઃ

મ્યુનિસિપલ સ્કૂલ બોર્ડમાં અભ્યાસ કરતી વિદ્યાર્થિનીને હવે સેલ્ફ ડિફેન્સ ટ્રેનિંગ અપાઈ રહી છે, જે હેઠળ વિદ્યાર્થિનીને પંચિંગ, બ્લોકિંગ, રેસલિંગ, કરાટે, જૂડો ઉપરાંત આર્ચરીની તાલીમનો પણ સમાવેશ થાય છે.

આજના બદલાતા જતા સમયમાં વિદ્યાર્થિની અબળાને બદલે સબળા બને તે ખાસ જરૂરી બન્યું છે. હવે નાની ઉંમરની કન્યાની છેડતીના કેસ પણ ચિંતાજનક રીતે વધવા લાગ્યા છે તેવા સંજોગોમાં આવારાં તત્ત્વો સામે કન્યાઓ સ્વરક્ષણ કરી શકે તે બહુ અગત્યનું છે.