મહારાષ્ટ્ર અને કર્ણાટકમાં ગાજવીજ સાથે વરસાદ પડવાની તેમજ ઓડિશામાં હીટવેવની ચેતવણી

બંગાળની ખાડીમાં વેસ્ટર્ન ડિસ્ટર્બન્સવા કારણે વાતાવરણમાં પલટોઃ દિલ્હીમાં જોરદાર પવન ફૂંકાશે

- 

દેશમાં માર્ચ મહિનામાં જ આકાશમાંથી અગનગોળા વરસી રહ્યા છે. અનેક રાજ્યમાં ગરમીનો પારો ૪૦ ડિગ્રીને પાર પહોંચી ગયો છે, જેના કારણે લોકો અગનભઠ્ઠીમાં શેકાઈ રહ્યા છે. ઓડિશામાં હીટવેવની ચેતવણી જારી કરવામાં આવી છે, જ્યારે પૂર્વ ભારતના વિસ્તારોમાં તાપમાન વધી રહ્યું છે. બંગાળની ખાડીમાં ઉદ્ભવેલા વેસ્ટર્ન ડિસ્ટર્બન્સના કારણે આજે દેશભરનાં રાજ્યના હવામાનમાં ફેરફાર થશે. દિલ્હી, પંજાબ, ચંડીગઢ અને રાજસ્થાન સહિત ઉત્તર-પશ્ચિમનાં રાજ્યમાં ભારે પવન ફૂંકાશે. આજે દિલ્હીએનસીઆરમાં ભારે પવન ફૂંકાશે. જમ્મુકાશ્મીર અને લદાખમાં ભારે હિમવર્ષા થવાની સંભાવના છે, જ્યારે મહારાષ્ટ્ર, કર્ણાટક અને આંધ્રપ્રદેશમાં વાવાઝોડા અને ભારે પવનની શક્યતા છે. વેસ્ટર્ન ડિસ્ટર્બન્સ અને મધ્ય પાકિસ્તાન અને ઉત્તર-પૂર્વ આસામ પર તેની સાથે સંકળાયેલું ચક્રવાતી પરિભ્રમણ ઉત્તર અને ઉત્તર-પૂર્વ ભારતમાં હવામાનની સ્થિતિમાં બદલાવ કરે તેવી શક્યતા છે.