‘யுனெஸ்கோ’ பட்டியலுக்காக ஆதரவு திரட்டும் சிங்கே சமூகம்

ஐக்கிய நாட்டு நிறுவனத்தின் கல்வி, அறிவியல், கலாசார அமைப்பின் (UNESCO) தொட்டுணர முடியாத கலாசார மரபுடைமைப் பட்டியலுக்கு சிங்கே அணிவகுப்பை முன்மொழிவதற்கு சிங்கப்பூரும் மலேசியாவும் தயாராகி வருகின்றன.

- 

இரு நாடுகளும் மார்ச் மாதம் அவ்வாறு முன்மொழியத் தயாராகிவரும் வேளையில், இக்காலச் சிறுவர்களுக்கு இத்தகைய ஆர்வத்தை ஊட்ட முடியும் என்று நம்பிக்கை தெரிவித்துள்ளது மக்கள் கழகம்.

பள்ளிகளில் கண்காட்சிகள், பாலர் பள்ளிப் பருவப் பிள்ளைகளுக்கான கதைப் புத்தகம், சிங்கே அணிவகுப்புக்கான மிதவைகளை வடிவமைக்கும் போட்டி எனப் பல்வேறு நடவடிக்கைகளை அது மேற்கொள்கிறது.

இந்த ஆண்டின் (2025) சிங்கே அணிவகுப்பு ஏற்பாட்டு குழுத் துணைத் தலைவர் டான் சுவீ லெங்,“சிங்கே என்பது அணிவகுப்பு மட்டுமன்று. 50 ஆண்டுகளுக்குப் பிறகும் தொடர்ந்து தழைக்கக்கூடிய, ஒரு வகையான வாழும் மரபுடைமை அது,” என்று கூறினார்.