ஒலி968 பிரபலம் மீது பாலியல் தொடர்பான குற்றச்சாட்டுகள்

ஒலி968ன் முன்னாள் வானொலிப் படைப்பாளரும் உள்ளூர் தொலைக்காட்சிப் பிரபலமுமான ‘நெருப்பு குணா’ என்று அழைக்கப்படும் குணாளன் மோகன் மீது ஏழு குற்றச்சாட்டுகள் சுமத்தப்பட்டுள்ளன.

- 

அவற்றில் நான்கு குற்றச்சாட்டுகள் பாலியல் தொடர்பானவை.

பெண்கள் இருவரின் பிறப்புறுப்புகளைப் படமெடுத்ததாகவும் 16 வயதுக்குக்கீழ் உள்ள ஒருவருடன் பாலியல் ரீதியான உரையாடல்களை வைத்துக்கொண்டதாகவும் 43 வயது குணாளன் மீது வெள்ளிக்கிழமை (மார்ச் 21) குற்றச்சாட்டுகள் சுமத்தப்பட்டன.

குணாளனின் குற்றங்களால் பாதிக்கப்பட்ட மூவரின் அடையாளங்கள், குற்றங்கள் நடந்ததாகக் கருதப்படும் இடங்கள் பற்றிய தகவல்களை வெளியிட அனுமதி வழங்கப்படவில்லை.