கரையோரக் கண்காணிப்பை மேம்படுத்துகிறது சிங்கப்பூர்

பத்து ஆண்டுகளுக்குமேலாக சிங்கப்பூரைச் சுற்றியுள்ள நீரின் தரத்தைக் கண்காணித்துவரும் கரையோரக் கண்காணிப்புக் கட்டமைப்பு மேம்பாடு காணவிருக்கிறது.

- 

கதிர்வீச்சையும் அலைகளையும் அளவிடும் உணர்கருவிகள் அதில் பொருத்தப்படவிருக்கின்றன.

தற்போதைய ‘நெப்டியூன்’ கட்டமைப்பு சிங்கப்பூரைச் சுற்றியுள்ள கடற்பரப்பைக் கண்காணிப்பதால் எண்ணெய்க் கசிவு போன்ற நீர் மாசடையும் சம்பவங்களுக்கும் சுற்றுச்சூழலுக்கு அபாயம் விளைவிக்கக்கூடிய கடற்பாசி படர்தல் போன்ற சம்பவங்களுக்கும் அதிகாரிகள் விரைவாகத் தீர்வுகாண முடிகிறது.

ஸ்ட்ரெய்ட்ஸ் டைம்சின் கேள்விகளுக்குப் பதிலளித்த தேசியச் சுற்றுப்புற வாரியம், கண்காணிப்புத் திறன்களை மறுஆய்வு செய்து, விரிவுபடுத்த வேண்டிய நேரம் இது என்று கூறியது.